અનલિસ્ટેડ કંપનીઓ દ્વારા કરવામાં આવતાં શેરોના બાયબેકથી ઉભી થતી ડિસ્ટ્રિબ્યુટેડ ઈન્કમનું પ્રમાણ નક્કી કરી તેની પર કરની વસૂલાત માટે સેન્ટ્રલ બોર્ડ ઓફ ડાયરેક્ટ ટેક્સીસ(સીબીડીટી)એ નિયમોનો મુસદ્દો જારી કર્યો છે. કંપનીઓ દ્વારા જે તે સમયે શેર જારી કરીને મેળવેલી રકમમાંથી બાયબેક માટે ચૂકવેલી રકમને બાદ કરતાં મળેલી રકમને સીબીડીટી દ્વારા ડિસ્ટ્રિબ્યુટેડ ઈન્કમ અથવા તો ચૂકવાયેલી રકમ ગણાવાઈ છે.
ફાયનાન્સ એક્ટ, ૨૦૧૬માં ૧ જુનથી અમલી બને તે રીતે ડિસ્ટ્રિબ્યુશન ઈન્કમની વ્યાખ્યામાં સુધારો કરાયો હતો, જે અંતર્ગત કંપનીઓએ શેર જારી કરીને મેળવેલી રકમમાંથી કંપની દ્વારા શેરોના બાયબેક માટે ચૂકવાયેલી રકમને બાદ કરતાં મળતી રકમને ડિસ્ટ્રિબ્યુશન ઈન્કમ તરીકે ગણવામાં આવી હતી. આ નવા નિયમો અમલી બનવાથી બાયબેકના વર્તમાન નિયમોમાં રહેલી કેટલીક મર્યાદાઓ દૂર થશે.
નિષ્ણાતોના જણાવ્યાં અનુસાર કાયદામાં કરાયેલા આ સુધારાથી કંપનીઓને મળતી આવક નિર્ધારિત કરવામાં મદદ મળશે. આ ડ્રાફ્ટ નિયમો અમલી બન્યાં બાદ ડિવિડન્ડ ચૂકવવાને બદલે શેરો બાયબેક કરવાનું વલણ અપનાવતી અનલિસ્ટેડ કંપનીઓ દ્વારા કરવામાં આવતી કરચોરીના દૂષણને નિયંત્રિત કરવામાં પણ મદદ મળશે. સીબીડીટી દ્વારા આ નવા નિયમો અંગે આગામી ૩૧ જુલાઈ સુધીમાં નિષ્ણાતોના મંતવ્યો મંગાવાયા છે.
ફાયનાન્સ એક્ટ, ૨૦૧૬માં ૧ જુનથી અમલી બને તે રીતે ડિસ્ટ્રિબ્યુશન ઈન્કમની વ્યાખ્યામાં સુધારો કરાયો હતો, જે અંતર્ગત કંપનીઓએ શેર જારી કરીને મેળવેલી રકમમાંથી કંપની દ્વારા શેરોના બાયબેક માટે ચૂકવાયેલી રકમને બાદ કરતાં મળતી રકમને ડિસ્ટ્રિબ્યુશન ઈન્કમ તરીકે ગણવામાં આવી હતી. આ નવા નિયમો અમલી બનવાથી બાયબેકના વર્તમાન નિયમોમાં રહેલી કેટલીક મર્યાદાઓ દૂર થશે.
નિષ્ણાતોના જણાવ્યાં અનુસાર કાયદામાં કરાયેલા આ સુધારાથી કંપનીઓને મળતી આવક નિર્ધારિત કરવામાં મદદ મળશે. આ ડ્રાફ્ટ નિયમો અમલી બન્યાં બાદ ડિવિડન્ડ ચૂકવવાને બદલે શેરો બાયબેક કરવાનું વલણ અપનાવતી અનલિસ્ટેડ કંપનીઓ દ્વારા કરવામાં આવતી કરચોરીના દૂષણને નિયંત્રિત કરવામાં પણ મદદ મળશે. સીબીડીટી દ્વારા આ નવા નિયમો અંગે આગામી ૩૧ જુલાઈ સુધીમાં નિષ્ણાતોના મંતવ્યો મંગાવાયા છે.