સુપ્રીમનો આદેશ : વોડાફોન-એરટેલે એક સપ્તાહમાં ચૂકવવા જ પડશે 1.47 લાખ કરોડ રૂપિયા

ટેલિકૉમ કંપનીઓને ગુરુવારે સુપ્રીમ કોર્ટે તગડો ઝટકો આપ્યો છે. એડજસ્ટેડ ગ્રૉસ રેવેન્યૂ (AGR)ની બાકીની ચૂકવણી કેસમાં સુપ્રીમ કોર્ટ દ્વારા ટેલિકૉમ કંપનીઓની પુનર્વિચાર અરજી ફગાવી દીધી છે, જેના પર મોબાઈલ સર્વિસ પ્રોવાઈડર્સના સંગઠન સેલ્યૂલર ઑપરેટર્સ એસોસિએશન ઑફ ઈન્ડિયા (COAI) એ ભારે નિરાશા વ્યક્ત કરી છે. સંગઠને કહ્યું કે, આનાથી સંકટમાં ફસાયેલા સેક્ટરની સમસ્યા વધશે. કોર્ટે ટેલિકૉમ કંપનીઓને 1.47 લાખ કરોડ રૂપિયાની વૈધાનિક બાકી રકમ 23 જાન્યુઆરી સુધી જમા કરાવવાના પોતાના આદેશ પર પુનર્વિચાર માટે દાખલ કરવામાં આવેલી અરજીઓ ગુરુવારે ફગાવી દીધી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: 4 લાખ કરોડના દેવામાં ટેલિકૉમ સેક્ટર COAIના મહાનિદેશક રાજન એસ મેથ્યૂઝે એક નિવેદનમાં કહ્યું કે, ‘અમે AGR મામલે સુપ્રીમ કોર્ટના ચુકાદાનું સન્માન કરીએ છીએ પણ ટેલિકૉમ સેક્ટરમાં આનાથી ભારે નિરાશા થઈ છે.’ તેમણે કહ્યું, ‘અત્યારે આ ક્ષેત્ર 4 લાખ કરોડ રૂપિયાના ઋણથી ઝઝૂમી રહ્યું છે. ગ્રાહકોને લાભ પહોંચાડવા, રોજગારના અવસર વધારવા, (સરકાર માટે) રેવેન્યૂ સર્જન કરવા વગેરેની દ્રષ્ટિથી ભારતીય અર્થવ્યવસ્થામાં આ ક્ષેત્રનું મહત્વપૂર્ણ યોગદાન છે. આ સેક્ટર GDPમાં 6.5 ટકાનું યોગદાન કરી રહ્યું છે.’ મેથ્યૂઝે કહ્યું કે, ‘ટેલિકૉમ સેક્ટર પહેલેથી કર અને શુલ્કના ભારે બોજાથી ઝઝૂમી રહ્યું છે. આ 29થી 32 ટકા સુધી બેસે છે અને આ દુનિયામાં સૌથી વધુ છે.’ ‘ડિજિટલ ઈન્ડિયા પર પડશે અસર’ તેમણે કહ્યું કે, કંપનીઓ માટે પુનર્વિચાર અરજી ‘તણખલાનો સહારો હતી’ પણ તે ફગાવી દેવાતા આર્થિક સંકટ વધશે અને તે જોવાનું રહેશે કે, શું આ સેક્ટર તેમાંથી ઉબરી શકશે? આનાથી વડાપ્રધાન નરેન્દ્ર મોદીના ડિજિટલ ઈન્ડિયાના દૃષ્ટિકોણ પર પણ અસર પડશે.’ આના પહેલા સુપ્રીમે 24 ઑક્ટોબર 2019ના રોજ પોતાની વ્યવસ્થામાં કહ્યું હતું કે, વૈધાનિક બાકી નીકળતી રકમની ગણતરી માટે ટેલિકૉમ કંપનીઓના AGRમાં તેની ટેલિકૉમ સર્વિસિઝથી અલગ રેવેન્યૂને શામેલ કરવા કાયદા અનુસાર જ છે.