દેશની ઈકૉનોમીને વધુ એક ઝટકો, પાયાના ઉદ્યોગોના ઉત્પાદનમાં 5.2%નો ઘટાડો

નવી દિલ્હીઃ દેશની ઈકૉનોમીમાં સ્લોડાઉન યથાવત છે. આઠ પાયાના ઉદ્યોગોનું ઉત્પાદન સપ્ટેમ્બરમાં 5.2 ટકા ઘટી ગયું છે. મૂળ ક્ષેત્રના આઠ ઉદ્યોગમાંથી સાતના ઉત્પાદનમાં સપ્ટેમ્બરમાં ઘટાડો જોવા મળ્યો છે. ગુરુવારે જાહેર કરેલા સત્તાવાર આંકડાઓ અનુસાર સપ્ટેમ્બર 2018માં પાયાના ઉદ્યોગનું ઉત્પાદન 4.3 ટકા વધ્યું હતું. આ વર્ષે સપ્ટેમ્બર 2019માં સૂચકાંક 120.6 પર પહોંચી ગયો જે સપ્ટેમ્બર 2018ની તુલનામાં 5.2 ટકા ઘટ્યો છે. સતત બીજી વખત ઘટાડો આઠ મુખ્ય ઉદ્યોગોના સૂચકાંકમાં કોલસા, કાચું તેલ, સ્ટીલ, સીમેન્ટ, વિજળી, ફર્ટિલાઈઝર અને રિફાઈનરી ઉત્પાદનો સમાવેશ થાય છે. આ આઠ ઈન્ડસ્ટ્રીઝ ઈન્ડેક્સ ઓફ ઈંડસ્ટ્રિયલ પ્રોડક્શન (IIP)નું અંદાજીત 40 ટકા ભાગનું પ્રતિનિધિત્વ કરે છે. આઠ મુખ્ય ઉદ્યોગોમાં આ ઘટાડો સતત બીજી વખત જોવા મળ્યો છે. ચાર વર્ષમાં ઓગસ્ટ 2019માં પહેલી વખત આ સૂચકાંકમાં 0.5 ટકા ઘટાડો જોવા મળ્યો હતો. માત્ર ફર્ટિલાઈઝર ક્ષેત્રના ઉત્પાદનમાં વધારો આંકડા અનુસાર આઠ મુખ્ય ઉદ્યોગોમાં માત્ર ફર્ટિલાઈઝર ક્ષેત્રના જ ઉત્પાદનમાં વધારો જોવા મળ્યો છે. ફર્ટિલાઈઝર ક્ષેત્રના ઉત્પાદનમાં 5.4 ટકાનો વધારો થયો છે. ચાલું નાણાકિય વર્ષના એપ્રિલ થી સપ્ટેમ્બર સુધીના સમયગાળામાં પાયાના ઉદ્યોગોનો વૃદ્ધિ દર ઘટી 1.3 ટકા રહી ગયો છે. ગત નાણાકિય વર્ષ દરમિયાન આ સમયગાળા દરમિયાન 5.5 ટકા રહ્યો હતો. આ ઈંડેક્સ, ઈડેક્સ ઓફ ઈડસ્ટ્રિયલ પ્રોડક્શનનું 40.27 ટકા હોવું તે વાત પર ઈશારો કરે છે કે વર્તમાન આંકડા નવેમ્બરમાં જાહેર થનારા આંકડા પર અસર કરી શકે છે.