દુનિયામાં સસ્તું થઈ રહ્યું છે સોનું પરંતુ ભારતમાં કેમ નથી ઘટી રહ્યો ભાવ ?

સુતાનુકા ઘોષાલ, કોલકાતાઃ આખી દુનિયયામાં સોનાના ભાવ છેલ્લા ઘણા દિવસોથી ઘટી રહ્યા છે. જોકે તેનો લાભ ભારતીય ગ્રાહકોને નથી મળી રહ્યો જેનું સીધું કારણ ડોલર સામે નબળો રુપિયો છે. તો બીજી તરફ સોનાની ઊંચા ભાવોને કારણે હાલ દેશમાં લગ્નસરાની સીઝન હોવ છતા માગમાં 15-20 ટકા જેટલો જબ્બર ઘટાડો નોંધાયો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: અમેરિકા-ચીન વચ્ચે વેપાર સમજૂતીમાં અનિશ્ચિતતાના પગલે કોમેક્સ પર સોનાનો ભાવ પ્રતિ ટ્રોય ઔંસ 1470 ડોલર છે. આ મહિને સોનાની આંતરરાષ્ટ્રિય કિંમતોમાં લગભગ 3 ટકાનો ઘટોડો નોંધાયો છે. HDFC સિક્યુરિટીઝમાં સીનિયર એનાલિસ્ટ તપન પટેલે કહ્યું કે, ‘રુપિયો તૂટતા ગોલ્ડની વૈશ્વિક કિંમતોમાં ઘટાડા છતા ભારતમાં તેના ભાવમાં ઘટાડો જોવા મળતો નથી. અમેરિકા-ચીન વચ્ચે ટ્રેડ ડિલ સંબંધીત ચિંતાઓને લઈને એશિયાઈ મુદ્રાઓમાં ભારે ઘટાડો આવોય છે. તેમજ RBI તરફથી ખરીદીને લઈને રુપિયા પર દબાણ વધ્યું છે.’ ભારતમાં સોનાની કિંમતોમાં 9 સપ્ટેમ્બર રુ. 29,699 પ્રતિ 10 ગ્રામના ભાવમાં ફક્ત 4 ટકાનો જ ઘટાડો અત્યાર સુધી આવ્યો છે. હાલ ડોલરની સામે રુપિયો 71.70ની સપાટી પર ચાલી રહ્યો છે. પરંતુ તે હજુ તૂટીને 72 પર જઈ શકે છે. જેને લઈને સોનાના ભાવ નજીકના ભવિષ્યમાં પણ ઘટે તેવી કોઈ શક્યતા નથી.