શું તમે નોકરી કરો છો? આ સેક્ટરના કર્મચારીઓના પગારમાં થશે વધારો, જાણો

નવી દિલ્હીઃ કોરોના સંકટ વચ્ચે નોકરી કરતા લોકો અંગે એક રિપોર્ટ સામે આવ્યો છે જેને નોકરી કરતા દરેક લોકોએ વાંચવો જોઈએ. આ રિપોર્ટમાં ત્રણ મુખ્ય વાત કહેવામાં આવી છે. જે મુજબ ખૂબ જ ઓછી એવી કંપનીઓ છે જેઓ આ વર્ષે કર્મચારીઓની સેલરીમાં વધારો કરશે. કેટલીક કંપનીઓ વધારો કરશે પરંતુ તે ખુબ જ સામાન્ય હશે. જોકે સ્પેશિયલ સ્કિલવાળા પ્રોફેશનલ્સને કંપની 15 ટકા સુધી સેલરી વધારવા માટે તૈયાર છે. કંપની એવા સ્ટાફને પોતાની પાસે રાખવા માંગે છે.

આ ઉપરાંત મોટાભાગની કંપનીઓ એવી હશે જે સેલરીમાં કોઈ વધારો નહીં કરે. કેટલીક કંપનીઓ એવી પણ છે જે સેલરીમાં વધારો કરવાને બદલે કર્મચારીઓમાં ઘટાડો કરી રહી છે. જોકે સ્પેશિયલ સ્કિલ્સવાળા કર્મચારીઓના પગારમાં 15 ટકા કે તેનાથી વધારે વધારો થઈ શકે છે. ટીમલીઝની નોકરીઓ અને પગાર પર પ્રાઈમર રિપોર્ટ 2020માં કહેવામાં આવ્યું છે કે આ મહામારીથી માત્ર રોજગારીને જ અરસ નથી થઈ પરંતુ તેનાથી ભારતીય ઉદ્યોગ જગત દ્વારા પોતાના કર્મચારીઓને પુરસ્કૃત કરવાની રીત પણ બદલી નાંખી છે.

કંપનીઓ સેલરી નથી વધારી રહી
રિપોર્ટમાં કહેવામાં આવ્યું છે કે અલગ અલગ ક્ષેત્રો અને શહેરમાં પગાર વધારાનો દર 4.25 ટકાથી 11.22 ટકા રહ્યો છે. ટીમલીઝ સર્વિસની સહ સંસ્થાપક અને કાર્યકારી ઉપાધ્યક્ષ ઋતુપર્ણા ચક્રવર્તીએ કહ્યુ, 'કંપનીઓ કર્મચારીઓના પગાર વધારો કરવા માગતી નથી. આ સાથે એક્સ્ટ્રા સ્કિલવાળા કર્મચારીઓને પ્રાઈઝ આપી રહી છે. અને તેવા કર્મચારઓની ડિમાન્ડ પણ વધી છે.'

આ સ્કિલના કર્મચારઓની ડિમાન્ડ વધારે
હૈડૂપ ડેવલપર્સ, શૈક્ષણિક ક્ષેત્રમાં કામ કરતા એનિમેટર્સ, ઉદ્યોગ નિર્માણમાં કલેક્શન ઓફિસર તથા આઈટી અને નોલેજ સર્વિસમાં ડિજિટલ માર્કેટિંગના કર્મચારઓના પગારમાં વધારો થશે. આ સર્વે નવ શહેરના 17 ક્ષેત્રોના 2,52,000થી વધારે પગારદારોનું વિશ્વેષણ કરવામાં આવ્યું.