24 કલાકમાં જ આ ક્રિપ્ટો કોઈને રોકાણકારોને કર્યા માલામાલ, 2.35 લાખ ટકા ઉછળ્યો

ક્રિપ્ટો કરન્સી ટૂંકાગાળામાં અચાનક મોટા ઉછળા અને ઘટાડા એટલે કે તેની વોલેટિલિટી માટે જાણીતી છે. કેટલાક ક્રિપ્ટો કોઈને તાજેતરમાં જ તેના રોકાણકારોને એક જ દિવસમાં માલામાલ કરી દીધા છે. શિબા ઈનુ અને કોકોસ્વેપ તાજેતરના જ ઉદાહરણો છે. જોકે, સ્ક્વિડ ગેમ્સ પરથી પ્રેરિત સ્ક્વિડમાં પણ મોટો ઉછાળો જોવા મળ્યો હતો પરંતુ તે એક સ્કેમ સાબિત થયું હતું.હવે આ જ યાદીમાં ઈથેરિયમ મેટાનો ઉમેરો થયો છે. કોઈનમાર્કેટકેપના ડેટા પ્રમાણે આ કોઈન 24 કલાકમાં જ 2.35 લાખ ટકા ઉછળ્યો હતો. આ ડિજિટલ ટોકન ગણતરીના કલાકોમાં જ 2,37,000 ટકા ઉછળ્યો હતો. આ સમયગાળા દરમિયાન તે 0.00000005033 ડોલરથી વધીને 0.0001194 ડોલર પર પહોંચી ગયો હતો. જો ડિજિટલ ટોકનમાં 1,000 રૂપિયાનું રોકાણ કર્યું હોય તો તે એક દિવસમાં 2.37 કરોડ રૂપિયા થઈ ગયું હોત.

આ ટોકનનું માર્કેટ કેપ 8.5 મિલિયન ડોલરથી થોડું વધારે થયું છે. આ ટોકનના કુલ સપ્લાયની લિમિટ 99,000,000,000 છે. જોકે, ડેટા પ્રમાણે હાલમાં 50.01 બિલિયન ઈથેરિયમ મેટા સર્ક્યુલેશનમાં છે.

ઈટ્સબ્લોકચેઈન.કોમના ફાઉન્ડર હિતેશ માલવિયાએ જણાવ્યું હતું કે ઈથેરિયમ મેટા 24 કલાક દરમિયાન કેટલાક ડિસેન્ટ્રલાઈઝ્ડ એક્સચેન્જ પર ટ્રેડિંગ થયો હતો. જ્યારે વોલ્યુ કે લિક્વિડિટી લો હોય ત્યારે તેમાં વધારે વોલેટિલિટી જોવા મળી શકે છે. રોકાણકારોએ પોતાનો એક રૂપિયો પણ રોકાણ કરતા પહેલા આ પ્રકારનો મેનિપ્યુલેશનનો સિનારિયો ધ્યાનમાં રાખવો જોઈએ.

ઈથેરિયમ મેટા ક્રિપ્ટો વર્લ્ડમાં નવું નામ છે. તે છેલ્લા ત્રણ વર્ષથી છે. અનાલિસ્ટોએ જો કે આને વધુ એક સ્કેમ ગણાવ્યુ છે જ્યા ચાર્ટ્સ પર તો કિંમત વધી રહી છે પરંતુ કોઈ રોકાણકાર તેમના એકાઉન્ટ્સમાં નફો જોઈ શકતા નથી.

પેન્થર ક્વાન્ટના ફાઉન્ડર માનવ બજાજે જણાવ્યું હતું કે, ટોકન માઈનિંગ થઈ શકે તેવા હોય છે તેથી ડેવલોપર્સ ગમે તે સમયે તેના સપ્લાયમાં વધારો કરી શકે છે. આ ઉપરાંત 99 ટકા જેટલા ટોકન્સ એક જ વોલેટમાં હોય છે. ચાર્ટ્સમાં ગ્રોથ જોઈને આવા ટોકન્સ ખરીદનારા કે તેને પ્રમોટ કરનારા લોકો મૂર્ખ છે, તેમ તેમણે ઉમેર્યું હતું.

કોલેક્સિયોનના ફાઉન્ડર અને સીઈઓ અભય અગ્રવાલે સલાહ આપી છે કે રોકાણકારોએ આવા ટોકન્સન અંગે હંમેશા શંકા રાખવી જોઈએ. ટોકન્સ લોન્ચ કરી અને બઝ ક્રિયેટ કરવું ઘણું સરળ છે. પરંતુ રોકાણકારોએ આવી જાળમાં ફસાઈને પોતાના રૂપિયાને જોખમમાં મૂકવા જોઈએ નહીં.