પાછલા 3 વર્ષમાં કંપનીઓએ કરી ₹1.52 લાખ કરોડની ટેક્સ ચોરી

ચેતન કુમાર, નવી દિલ્હી/બેંગ્લોર: ભારતમાં મલ્ટીનેશનલ કંપનીઓ સહિત અન્ય કંપનીઓએ પાછલા 3 વર્ષ અને 3 મહિનામાં 1 લાખ 52 હજાર કરોડ રુપિયાની ટેક્સ ચોરી કરી છે. નાણાં મંત્રાલય તરફથી જાહેર કરવામાં આવેલી સૂચનામાં એપ્રિલ 2014થી જૂન 2017 સુધીની કંપનીઓની ગુપ્ત રાશિનો ઉલ્લેખ કરવામાં આવ્યો છે. આ રકમ એટલી મોટી છે કે બેંગ્લોર શહેરને 19 વર્ષો સુધી અને મુંબઈને 7 વર્ષો સુધી આરામથી ચલાવી શકાય. પાછલા 3 વર્ષ અને 3 મહિનામાં 1.52 લાખ કરોડ રુપિયામાંથી 76,239.22 કરોડ રુપિયા ડાયરેક્ટ ટેક્સના ફોર્મમાં છે અને બેકીના 76,535.42 કરોડની રકમ ઈનડાઈરેક્ટ ટેક્સના ફોર્મમાં છે. આમાં સર્વિસ ટેક્સ, કસ્ટમ અને સેન્ટ્રલ એક્સાઈઝ પણ શામેલ છે. નાણાં મંત્રાલય તરફતી કહેવામાં આવ્યું છે કે ટેક્સ ચોરીમાં શામેલ દરેક કંપની વિરુદ્ધ કાર્યવાહીની શરુઆત થઈ ગઈ છે. મંત્રાલયના જણાવ્યા અનુસાર, આ બાબતે તપાસ, સર્વે, આવક નિર્ધારણ, ટેક્સની વસુલી, દંડ વગેરે કામ શરુ થઈ ગયા છે. અમારા સહયોગી ટાઈમ્સ ઓફ ઈન્ડિયા પાસે ઉપલબ્ધ ડેટા અનુસાર, 2246 ફર્મ્સે 39852.86 કરોડ રુપિયાની આવકનો ખુલાસો નહીં કરવાની વાત સ્વીકારી લીધી છે. મંત્રાલયના સીનિયર અધિકારીઓના જણાવ્યા પ્રમાણે, સંપૂર્ણ પ્રક્રિયા સમાપ્ત થાય તે પહેલા કંપનીઓના નામ જાહેર ન કરી શકાય. અહીં ચોંકાવનારી વાત એ છે કે 2017-18 માટે બેંગ્લોર મહાનગરપાલિકાનું બજેટ 8 હજાર કરોડ રુપિયા છે, જ્યારે BMCનું બજેટ 25 હજાર કરોડ રુપિયા છે. ચોરી થયેલા પૈસાના હિસાબે જોવા જઈએ તો આ રકમથી બેંગ્લોર શહેરને 19 વર્ષો સુધી અને મુંબઈને આગામી 7 વર્ષ સુધી ચલાવી શકાય છે.