જિયોમાર્ટને ટક્કર આપશે 'ફ્લિપકાર્ટ ક્વિક', ફક્ત આટલી મિનિટમાં કરશે ડિલિવરી

આ સર્વિસ શરૂઆતમાં બેંગલુરુના કેટલાક સિલેક્ટેડ વિસ્તારોમાં શરૂ થશે અને વર્ષના અંત સુધીમાં દેશના 6 મોટા શહેરોમાં તેનો વિસ્તાર કરી દેવામાં આવશે. ભારતનું રિટેઈલ માર્કેટ હાલ 950 અબજ ડૉલરનું આંકવામાં આવ્યું છે અને 2025-26 સુધી તેના 1300 અબજ ડૉલર સુધી પહોંચી જવાનું અનુમાન છે. આમાં ઈ-કૉમર્સનો કારોબાર 78 અબજ ડૉલર રહેવાનો અંદાજ છે જે 2025માં 100 અબજ ડૉલર પહોંચી જશે તેવું અનુમાન બાંધવામાં આવી રહ્યું છે. આમાં કરિયાણાનો સામાન સૌથી નવી કેટેગરી છે જેમાં ઈ-કૉમર્સ કંપનીઓ શરૂઆત કરી રહી છે.

એમેઝોન કરિયાણા માટે ઈન્સ્ટન્ટ ડિલિવરી સર્વિસ આપે છે. આ વર્ગમાં અલીબાબાના સમર્થનવાળી બિગ બાસ્કેટ અને મુકેશ અંબાણીની જિયો માર્ટની સાથે હરિફાઈ છે. જિયોમાર્ટ વ્હોટ્સએપનો ઉપયોગ કરી ગ્રાહકોને સ્થાનીક કરિયાણા દુકાનો સાથે જોડવાનું કામ કરી રહી છે. કોરોના વાયરસ મહામારીની વચ્ચે સામાનની ઑનલાઈન ડિલિવરીએ ઘણો વેગ પકડ્યો છે.

જિયોમાર્ટના આ માર્કેટમાં ઉતરવાથી હરિફાઈ વધુ ઝડપી બનવાની આશા છે. લૉકડાઉનને કારણે ઑફલાઈન બિઝનેસ કરનારાઓને ઘણું નુકસાન ઉઠાવવું પડ્યું છે. આવામાં વ્યાપારીઓ પર ડિજિટલ પ્લેટફોર્મ સાથે જોડાવવા બાબતે ગંભીર છે. ગૉલ્ડમેન સાક્સના તાજેતરના રિપોર્ટ અનુસાર ભારતનો ઈ-કૉમર્સ બિઝનેસ 2024 સુધી દર વર્ષે 27 ટકાના વધારા સાથે 99 અબજ ડૉલર સુધી પહોંચી જાય તેવું અનુમાન છે. આ વધારામાં કરિયાણા અને ફેશન વેરના વધતા વેચાણનું મહત્વનું યોગદાન હશે.