ભારતનો GDP 2019માં 7.6%ના દરે વધશે: ADB

65976660 નવી દિલ્હી:એશિયન ડેવલપમેન્ટ બેન્ક (ADB)ના અંદાજ મુજબ સ્થાનિક માંગમાં સુધારો, ઔદ્યોગિક વૃદ્ધિમાં રિકવરી સહિતનાં પરિબળોને કારણે ભારતીય અર્થતંત્ર 2018માં 7.3 ટકાના દરે વિકાસ સાધશે. ADBના ચીફ ઇકોનોમિસ્ટ યાસુયુકી સવાડાએ જણાવ્યું હતું કે, “સરકારે છેલ્લા એક વર્ષમાં કરેલા આર્થિક સુધારાના લાભ હવે મળવાની શરૂઆત થઈ છે.”

ADBએ 2018 અને 2019ની આર્થિક વૃદ્ધિનો અંદાજ અનુક્રમે 7.3 ટકા અને 7.6 ટકાના સ્તરે યથાવત્ રાખ્યો છે. સવાડાના જણાવ્યા અનુસાર “અમારા અંદાજ મુજબ વૃદ્ધિ અકબંધ રહેશે. આર્થિક સુધારાની સાનુકૂળ અસર અને રોકાણકારોના સેન્ટિમેન્ટમાં સુધારાને કારણે આગામી વર્ષે તેમાં વધારો નોંધાશે.” ભારતીય અર્થતંત્ર 2017-’18ના પ્રથમ ક્વાર્ટરમાં 8.2 ટકાના દરે વધ્યું છે. સૂચિત ગાળામાં ખાનગી વપરાશમાં 8.6 ટકા વૃદ્ધિ થઈ છે.

નોટબંધીની અસર લગભગ નાબૂદ થવાથી અને ગ્રામ્ય વિસ્તારોની આવકમાં સુધારાને કારણે ગ્રામીણ માંગ રિકવર થઈ છે. નવા ઇન્ફ્રાસ્ટ્રક્ચર પર સરકારના ખર્ચમાં વૃદ્ધિ અને બિઝનેસના માહોલમાં સુધારાને કારણે સતત બીજા ક્વાર્ટરમાં રોકાણ 10 ટકા વધ્યું છે. જોકે, રૂપિયાના મૂલ્યમાં ઘટાડો અને વૈશ્વિક બજારોની વોલેટિલિટી ભારતીય અર્થતંત્ર માટે પણ પડકાર ઊભો કરી શકે.
]]>