GDP વૃદ્ધિ અને બજારના દેખાવમાં વિરોધાભાસ કેમ?

71626468 મુંબઈ:આર્થિક વૃદ્ધિ અને શેરબજારના વળતર વચ્ચે શો સંબંધ છે તે પ્રશ્ન એનાલિસ્ટ્સ અને રોકાણકારોને એકસરખો પજવી રહ્યો છે. કેટલાકનો દાવો છે કે થિયરીની રીતે જોતાં બંને આંકડા સરખા હોવા જોઈએ જ્યારે બીજા માને છે કે ગ્રોથ અને રિટર્ન વચ્ચે કોઈ સંબંધ નથી.

ICICI સિક્યોરિટીઝના રિસર્ચ પ્રમાણે જીડીપી વૃદ્ધિ અને શેરના ભાવ વચ્ચે ટૂંકા કે લાંબા ગાળા માટે બહુ ઓછો સહસંબંધ છે. શેરના ભાવ ભવિષ્યની જીડીપી વૃદ્ધિનો
ચિતાર આપે છે. જ્યારે જીડીપી વૃદ્ધિ પરથી શેર બજારની દિશા જાણી શકાતી નથી.

થિયરીની રીતે જોતાં શેરના ભાવમાં જીડીપીની વાસ્તવિક વૃદ્ધિ જેટલો જ વધારો થવો જોઈએ. જોકે, ICICI સિક્યોરિટીઝ મુજબ કોર્પોરેટ નફો વોલેટાઇલ છે અને જીડીપી આસપાસ ઘૂમે છે કારણ કે લિવરેજથી નફાની સાઇકલને વધારે અસર થાય છે. હાલમાં સિસ્ટમમાં પ્રમાણમાં ઓછા ફાઇનાન્શિયલ લિવરેજ તથા કેપેસિટીના ઓછા ઉપયોગના કારણે લિવરેજની અસર ઓછી છે.

જીડીપીના ડેટાને પહેલેથી ગણતરીમાં લઈ લેવાય છે તેથી ઇન્ક્રિમેન્ટલ ડેટાથી શેરની ચાલ પર કોઈ અસર થતી નથી, સિવાય કે આંકડા એકદમ ચોંકાવનારા હોય.
2013થી અત્યાર સુધીમાં કોર્પોરેટ ટેક્સ વધ્યો છે જેના કારણે કોર્પોરેટ ટેક્સ અને જીડીપીનો ગુણોત્તર ઊંચો રહ્યો છે. નાણાકીય વર્ષ 2016-’17ના ગાળામાં તેમાં તીવ્ર ઉછાળો આવ્યો હતો જ્યારે PAT અને જીડીપીનો ગુણોત્તર સતત ઘટી રહ્યો છે. માર્જિનલ ટેક્સ રેટ 34.9 ટકાથી ઘટાડીને 25.2 ટકા કરવાના કારણે આ ટ્રેન્ડમાં રિવર્સલ જોવા મળશે અને PAT/GDP ગુણોત્તરમાં સુધારો થઈ શકે છે તેમ ICICI સિક્યોરિટીઝ જણાવે છે.

નવી પેઢીનાં ખોટ કરી રહેલાં સાહસો, રેગ્યુલેટરી ફેરફાર અને તીવ્ર સ્પર્ધાથી કોર્પોરેટની નફાકારકતા પર માઠી અસર પડી શકે પરંતુ જીડીપીના ઘટકો જેવા કે ઉત્પાદકતા, વેતન, ક્રેડિટ વૃદ્ધિ અને ડેટાના ઉપયોગમાં વધારો થયો હોય તે શક્ય છે. ટાટા મોટર્સ અને ભારતી આફ્રિકા જેવી કંપનીઓની વિદેશમાં કામગીરીથી તાજેતરમાં કોર્પોરેટ નફાકારકતાને વિપરીત અસર પડી હોય પરંતુ તેનાથી સ્થાનિક જીડીપી પર બહુ ઓછી અસર થાય તેવું બની શકે. જોકે, આઇટી અને ફાર્મા જેવા ગૂડ્ઝ અને સર્વિસ નિકાસકારોને જીડીપી સાથે સહસંબંધ હોય છે.