નવી દિલ્હી: ચીનમાંથી બહાર જઈ રહેલી કંપનીઓને આકર્ષવામાં ભારત સફળ થતું દેખાઈ રહ્યું છે. જાણવા મળ્યા મુજબ, જર્મન ફુટવેર બ્રાન્ડ વૉન વેલ્સ (Von Wellx)એ પ્રોડક્શન યુનિટને ચીનમાંથી ભારત શિફ્ટ કરવાનો નિર્ણય કર્યો છે. ભારતમાં તે પોતાનું પ્રોડક્શન યુનિટ આગ્રામાં લગાવશે અને તેના માટે લેટ્રિક ઈન્ડસ્ટ્રીઝ સાથે તેણે કરાર કર્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficialહેલ્થી ફુટવેરના રૂપમાં બ્રાન્ડની ઓળખવૉન વેલ્સની ઓળખ હેલ્થી ફુટવેર બ્રાન્ડના રૂપમાં છે, જેની પ્રોડક્ટ પગ, ઘૂંટણ અને બેક પેનમાં રાહત આપવાનું કામ કરે છે. તે મસલ્સને શોકથી બચાવે છે અને યોગ્ય પોશ્ચરમાં રાખે છે. 80 દેશોમાં તેનું વેચાણ થાય છે અને લગભગ 100 મિલિયન (10 કરોડ) તેના યૂઝર્સ છે. આ બ્રાન્ડને 2019માં લોન્ચ કરાઈ હતી અને સમગ્ર દુનિયામાં તેના 500 રીટેલ સ્ટોર છે. તે ઉપરાંત ઓનલાઈન વેચાણ પણ થાય છે.લાવા પણ ચીનમાંથી સમેટી રહી છે બિઝનેસઆ પહેલા મોબાઈલ ઉપકરણ બનાવતી ડોમેસ્ટિક કંપની લાવા ઈન્ટરનેશનલ ચીનને મોટો ઝટકો આપ્યો હતો. કંપનીએ શુક્રવારે કહ્યું કે, તે ચીનમાંથી પોતાનો બિઝનેસ સમેટીને ભારત લાવી રહી છે. કંપનીના સીએમડીએ કહ્યું છે કે, તેમનું સપનું છે કે તે ચીનને ભારતમાંતી મોબાઈલ નિકાસ કરે. કંપનીએ પોતાના મોબાઈલ ફોન ડેવલપમેન્ટ અને મેન્યુફેક્ચરિંગ ઓપરેટિંગને વધારવા માટે આવતા પાંચ વર્ષ દરમિયાન 800 કરોડ રૂપિયાના રોકાણની યોજના બનાવી છે.