Gold Rate: MCX પર સોના-ચાંદીના ભાવમાં ઉછાળો, આ રીતે કમાઓ નફો

નવી દિલ્હી: અમેરિકાના પ્રમુખ ડોનાલ્ડ ટ્રમ્પ દ્વારા કોરોના રાહત પેકેજ બિલ પર હસ્તાક્ષર કર્યા બાદ સોમવારે સોના અને ચાંદીની કિંમતોમાં જોરદાર તેજી જોવા મળી છે. આજે શરુઆતના કારોબારમાં એમસીએક્સ પર ફેબ્રુઆરી ડિલિવરીવાળું સોનું વાયદા 437 રુપિયા અથવા 0.87 ટકા ઉછળીને 50,510 રુપિયા પ્રતિ 10 ગ્રામ થઈ ગયું હતું. આ જ પ્રકારે ચાંદી માર્ચ વાયદા 1978 અથવા 2.93 ટકા ઉછળીને 69,487 પ્રતિ કિલોગ્રામ પહોંચી ગઈ હતી.

કારોબારીઓનું માનીએ તો, ટ્રમ્પે રવિવારે 2.3 લાખ કરોડના મહામારી સહાયદા અને ખર્ચ પેકેજ કાયદા પર હસ્તાક્ષર કરી દીધા છે. કિમતી ધાતુઓનો ફુગાવા વિરુદ્ધ હેજિંગ વિકલ્પના રુપમાં ઉપયોગ કરવામાં આવે છે. જેથી, તેમની કિંમતોમાં આજે ઉછાળો જોવા મળ્યો છે.

વિદેશ બજારમાં હાજર સોનું 1 ટકો વધીને 1,145.03 ડોલર પ્રતિ ઔંશ થયું હતું. અમેરિકામાં સોનું વાયદો 0.8 ટકાના વધારા સાથે 1,899.10 ડોલર પર બંધ થયું હતું. આ જ પ્રકારે ચાંદી 3 ટકા વધીને 26,63 ડોલર પ્રતિ ઔંશ થઈ હતી. પ્લેટિનિયમ 1.7 ટકા વધીને 1,040.37 ડોલર અને પેલેડિયમ 0.5 ટકા વધીને 2,360.79 ડોલર પર બંધ થયું હતું.

બ્રોકરેજની સલાહ

બ્રોકરેજ ફર્મ એન્જલ બ્રોકિંગના ડેપ્યુટી વાઈસ પ્રેસિડેન્ડ (કોમોડિટી અને કરન્સી) અનુજ ગુપ્તાના જણાવ્યા અનુસાર, એમસીએક્સ પર સોનું ફેબ્રુઆરી વાયદામાં 50,300 રુપિયાની આસપાસ ખરીદવું જોઈએ. 50 હજાર રુપિયાનો સ્ટોપલોસ રાખીને બે ટ્રેડિંગ સેશનમાં 51,000 રુપિયા પ્રતિ દસ ગ્રામનું લક્ષ્ય રાખો. જ્યારે ચાંદી માર્ચ વાયદામાં 69,000 રુપિયાની આસપાસ ખરીદી કરો. 66,800 રુપિયાના ભાવ પર સ્ટોપલોસ લગાવો અને 70,500 રુપિયા પ્રતિ કિલોગ્રામનો ટાર્ગેટ રાખો.