રોકાણકારો જૂનમાં ગોલ્ડ એક્સ્ચેન્જ ટ્રેડેડ ફંડ્સ (ETFs) પ્રત્યે નકારાત્મક રહ્યાં હતાં અને તેમણે આ ઇન્સ્ટ્રુમેન્ટમાંથી રૂ. ૮૦ કરોડ કાઢી લીધા હતાં, જેને ગણતરીમાં લેતા પ્રોફિટ બુકિંગના કારણે ચાલુ નાણાકીય વર્ષના પ્રથમ ત્રિમાસિક ગાળામાં કુલ રૂ. ૨૨૮ કરોડનો આઉટફ્લો નોંધાયો છે.
છેલ્લાં ત્રણ નાણાકીય વર્ષ દરમિયાન ગોલ્ડ ETFsમાં કામકાજ સુસ્ત રહ્યું છે. વર્ષ ૨૦૧૩-૧૪, ૨૦૧૪-૧૫ અને વર્ષ ૨૦૧૫-૧૬માં અનુક્રમે રૂ. ૨,૨૯૩ કરોડ, રૂ. ૧,૪૭૫ કરોડ તથા રૂ. ૯૦૩ કરોડનો આઉટફ્લો નોંધાયો છે. સુસ્ત ઇક્વિટી બજારના કારણે આગલા બે વર્ષની તુલનામાં નાણાકીય વર્ષ ૨૦૧૫-૧૬માં આઉટફ્લોની ગતિ જોકે ધીમી પડી હતી.
“વધુ ને વધુ રોકાણકારો કિંમતી ધાતુમાંથી બહાર નીકળતા જોવા મળી રહ્યાં છે, તેથી ભારતીય ગોલ્ડ ETFsમાં આઉટફ્લો યથાવત્ રહેશે. નીચા સ્તરે ખરીદી કરનારા રોકાણકારો નફો ગાંઠે બાંધી રહ્યાં છે અને તેમને ટૂંકા ગાળામાં સારું વળતર મળી રહ્યું છે, તેના લીધે આઉટફ્લો થઇ રહ્યો હોઇ શકે છે,” એવું ક્વોન્ટમ AMCના સિનિયર ફંડ મેનેજર (ઓલ્ટરનેટિવ ઇન્વેસ્ટમેન્ટ્સ) ચિરાગ મહેતાએ જણાવ્યું હતું.
સ્ટોક્સ તથા બોન્ડ્સમાં કરાયેલા રોકાણ પણ સારા ફળ આપી રહ્યાં છે અને તેથી જ રોકાણકારો સોનાના ભોગે આ એસેટ્સને પસંદ કરી રહ્યાં હોય એવી શક્યતા છે, એવું તેમણે ઉમેર્યું હતું. એસોસિએશન ઓફ મ્યુચ્યુઅલ ફંડ્સ (AMFI)ની માહિતી અનુસાર ગોલ્ડ ઇટીએફ્સમાં જૂનમાં રૂ. ૮૦ કરોડ, મેમાં રૂ. ૭૯ કરોડ અને એપ્રિલમાં રૂ. ૬૯ કરોડનું ધોવાણ થયું હતું.
છેલ્લાં ત્રણ નાણાકીય વર્ષ દરમિયાન ગોલ્ડ ETFsમાં કામકાજ સુસ્ત રહ્યું છે. વર્ષ ૨૦૧૩-૧૪, ૨૦૧૪-૧૫ અને વર્ષ ૨૦૧૫-૧૬માં અનુક્રમે રૂ. ૨,૨૯૩ કરોડ, રૂ. ૧,૪૭૫ કરોડ તથા રૂ. ૯૦૩ કરોડનો આઉટફ્લો નોંધાયો છે. સુસ્ત ઇક્વિટી બજારના કારણે આગલા બે વર્ષની તુલનામાં નાણાકીય વર્ષ ૨૦૧૫-૧૬માં આઉટફ્લોની ગતિ જોકે ધીમી પડી હતી.
“વધુ ને વધુ રોકાણકારો કિંમતી ધાતુમાંથી બહાર નીકળતા જોવા મળી રહ્યાં છે, તેથી ભારતીય ગોલ્ડ ETFsમાં આઉટફ્લો યથાવત્ રહેશે. નીચા સ્તરે ખરીદી કરનારા રોકાણકારો નફો ગાંઠે બાંધી રહ્યાં છે અને તેમને ટૂંકા ગાળામાં સારું વળતર મળી રહ્યું છે, તેના લીધે આઉટફ્લો થઇ રહ્યો હોઇ શકે છે,” એવું ક્વોન્ટમ AMCના સિનિયર ફંડ મેનેજર (ઓલ્ટરનેટિવ ઇન્વેસ્ટમેન્ટ્સ) ચિરાગ મહેતાએ જણાવ્યું હતું.
સ્ટોક્સ તથા બોન્ડ્સમાં કરાયેલા રોકાણ પણ સારા ફળ આપી રહ્યાં છે અને તેથી જ રોકાણકારો સોનાના ભોગે આ એસેટ્સને પસંદ કરી રહ્યાં હોય એવી શક્યતા છે, એવું તેમણે ઉમેર્યું હતું. એસોસિએશન ઓફ મ્યુચ્યુઅલ ફંડ્સ (AMFI)ની માહિતી અનુસાર ગોલ્ડ ઇટીએફ્સમાં જૂનમાં રૂ. ૮૦ કરોડ, મેમાં રૂ. ૭૯ કરોડ અને એપ્રિલમાં રૂ. ૬૯ કરોડનું ધોવાણ થયું હતું.