નરમ સંકેતો પાછળ સ્થાનિક સોનું રૂ.100, ચાંદી રૂ.200 ઘટી

નવગુજરાત સમય > અમદાવાદ

આંતરરાષ્ટ્રીય બજારમાં સોનામાં નરમાઈના માહોલ હતો તેવા સમયે સ્થાનિક બજારમાં પણ માગ નીચી રહેતા સ્થાનિક સોનું બુધવારે રૂ. ૧૦૦ અને ચાંદી રૂ. ૨૦૦ ઘટી હતી.

અમદાવાદમાં સોનું ૯૯.૯ અને ૯૯.૫નો ભાવ તોલાદીઠ રૂ. ૧૦૦ ઘટીને રૂ. ૩૧,૩૦૦ અને રૂ. ૩૧,૧૫૦ના સ્તરે જોવાયો હતો, ચાંદી કિલો દીઠ રૂ. ૨૦૦ ઘટીને રૂ. ૪૪,૩૦૦ના સ્તરે હતી. નવી દિલ્હીમાં સોનું ૯૯.૯ અને ૯૯.૫ રૂ. ૬૦ ઘટીને અનુક્રમે રૂ. ૩૧,૦૫૦ અને રૂ. ૩૦,૯૦૦ જોવાયું હતું, જ્યારે હાજર ચાંદી કિલોએ રૂ. ૪૪,૮૦૦ જોવાઈ હતી. આ લખાય છે ત્યારે વૈશ્વિક બજારમાં સોનું ૨.૨૬ ડોલર વધીને ઔંસ દીઠ ૧૩૧૩.૩૭ ડોલર ક્વોટ થયું હતું અને ચાંદી ૦.૩૬ ટકા વધીને ઔંસદીઠ ૧૮.૭૪ ડોલર ક્વોટ થઈ હતી.

વૈશ્વિક સોનું મે મહિના પછીના સૌપ્રથમ માસિક ઘટાડા ભણી?

યુ.એસ. ફેડરલ રિઝર્વ ચાલુ વર્ષે વ્યાજ દર વધારશે એવી વધતી જતી સંભાવના પાછળ વૈશ્વિક સોનું મે મહિના પછીના સૌપ્રથમ માસિક ઘટાડા ભણી આગળ વધી રહ્યું છે. ચાલુ મહિને સોનું ૨.૮ ટકાનો ઘટાડો દર્શાવવા સજ્જ બન્યું છે. વૈશ્વિક બજારમાં સોનું ૧ ઓગસ્ટ, ૨૦૧૬ના રોજ ઔંસદીઠ ૧,૩૫૩.૧૫ ડોલર બંધ રહ્યું હતું, જે ઉત્તરોત્તર ઘટીને ૩૦ ઓગસ્ટે ૧,૩૧૧.૧૧ ડોલર બંધ આવ્યું હતું. વર્ષ ૨૦૦૯ બાદ પહેલી જ વખત વૈશ્વિક સોનું ઓગસ્ટમાં ઘટ્યું છે.