સોનાની કિંમતનો નવો રેકોર્ડ, 53844 રૂપિયા પહોંચ્યો ભાવ

નવી દિલ્હીઃ કોરોના મામલે કેસ જેમ જેમ વધી રહ્યા છે. તેમ તેમ લોકો સુરક્ષિત રોકાણ તરફ વળી રહ્યા છે. આજ કારણે સોના-ચાંદીના ભાવ સતત ઉછળી રહ્યા છે. સોનાનો ભાવ રોજે રોજ નવા રેકોર્ડ બનાવી રહ્યો છે. આજે સોનાનો ભાવ 53,844 રૂપિયા પ્રતિ 10 ગ્રામ સુધી પહોંચી ગયો છે.

સોનુ 53800ને પાર થઈ ગઈ
MCX પર બપોરે 3 વાગ્યે ઓગસ્ટ ડિલિવરીવાળું સોનું 512 રૂપિયાની તેજી સાથે 53650 પર ટ્રેડ કરી રહ્યું છે. માર્કેટ દરમિયાન તે 53844 રૂપિયાના સ્તર સુધી પહોંચ્યો હતો. ગુરુવારે સોનું 53138 રૂપિયા પ્રતિ દસ ગ્રામ પર બંધ રહ્યું. આજે સવારે 53526ના સ્તરે ખુલ્યું અને 53844ના ઉચ્ચતમ સ્તર પર સુધી પહોચ્યું. ન્યૂનતમ સ્તર 53503 રૂપિયા છે.

સોનું ડિલિવરીમાં ઉછાળો
ઓક્ટોબર ડિલિવરીવાળા સોનામાં 696 રૂપિયાની તેજી જોવા મળી રહી છે. આ સમયે તે હાલ 53476 પર ટ્રેડ કરી રહ્યું છે. ડિસેમ્બર ડિલિવરીવાળું સોનું 717 રૂપિયાની તેજી સાથે 53645 પર ટ્રેડ કરી રહ્યો છે.

સોનું દિવાળી સુધીમાં 56 હજાર જઈ શકે
કેડિયા કમોડિટીના એમડી અજય કેડિયાએ જણાવ્યું કે સોનાની આ તેજી ચાલુ રહેશે. જે રીતે અમેરિકન ડોલર તૂટી રહ્યો છે તેના કારણે બુલિયનના ભાવોમાં તેજી આવીછે. તેમણે કહ્યું કે અમેરિકાની આર્થિક સ્થિતિ નબળી થયા બાદ લોકો સુરક્ષિત રોકાણ તરફ વધી રહ્યા છે. આતંરાષ્ટ્રીય માર્કેટમાં સોનું 2000 ડોલરનો આંકડો પાર કરી શકે છે.