ગોલ્ડમેન more ખરીદવાના કોન્સોર્ટિયમમાંથી બહાર

65668957 વૃતાંકર મુખરજી

કોલકાતા: આદિત્ય બિરલા ગ્રૂપની ફૂડ અને ગ્રોસરી રિટેલ ચેઇન ‘મોર’ને ખરીદવા માટે સમારા કેપિટલ અને એમેઝોન સાથે મળીને રચેલા કોન્સોર્ટિયમમાંથી ગોલ્ડમેન સૅક્સ કોમર્શિયલ એગ્રીમેન્ટ્સમાં મતભેદના કારણે બહાર નીકળી ગઈ છે. જોકે, સમારા અને એમેઝોન આ સોદો કરવા માટે સક્રિય રહ્યા છે એમ બે એક્ઝિક્યુટિવ્સે જણાવ્યું હતું.

સમારા કેપિટલ-એમેઝોનનું કોન્સોર્ટિયમ ₹4,100-4,200 કરોડની એન્ટરપ્રાઇઝ વેલ્યૂ સાથે કુમાર મંગલમ્ બિરલાની આદિત્ય બિરલા રિટેલ લિને ખરીદશે અને આ સોદાની જાહેરાત ચાલુ સપ્તાહે થશે એમ બંને એક્ઝિક્યુટિવ્સે પોતાનાં નામ નહીં આપવાની વિનંતી સાથે જણાવ્યું હતું.

આ સોદા બાદ આદિત્ય બિરલા રિટેલ પરથી સંપૂર્ણ દેવું દૂર થશે. માર્ચ ’18ના અંતે કંપનીની બૂકમાં ₹4,000 કરોડનું દેવું બોલતું હતું. આ સોદો વર્તમાન ફેસિલિટી મેનેજમેન્ટ બેક-એન્ડ કંપની મારફતે થશે. ભારતની PE ફંડ સમારા કેપિટલ દ્વારા 51 ટકા હિસ્સો ખરીદવામાં આવશે જ્યારે બાકીનો હિસ્સો એમેઝોન તેની ઇન્વેસ્ટમેન્ટ કંપની દ્વારા ખરીદશે એમ બંને એક્ઝિક્યુટિવ્સે જણાવ્યું હતું.

સમારા કેપિટલે જૂન મહિનામાં આદિત્ય બિરલા રિટેલ સાથે કરાર કર્યા હતા અને તેને ખરીદવા માટે એમેઝોન અને ગોલ્ડમેન સાથે મળીને કોન્સોર્ટિયમ રચવાની વાટાઘાટ હાથ ધરી હતી, પરંતુ હવે ગોલ્ડમેન નીકળી ગઈ છે એમ કેટલાંક સૂત્રોએ જણાવ્યું હતું.
]]>