મુકેશ અંબાણીની માલિકીની Jioએ ફેસબુક અને અમેરિકાના કેટલાક ખાનગી ગ્રુપ્સ પાસેથી 10 બિલિયન ડોલર (લગભગ 78 હજાર કરોડ રૂપિયા)નું રોકાણ મેળવ્યા બાદ હવે અમેરિકાની ઈન્ટરનેટ જાયન્ટ કંપની ગૂગલ ભારતીય ટેલિફોન કંપની વોડાફોન આઈડિયામાં રોકાણ કરવા જઈ રહી છે. ફાઈનાન્સિયલ ટાઈમ્સે આ માહિતી આપી છે. આ જોડાણ વિશ્વના મોબાઈલ માર્કેટમાં ગૂગલને અગ્રણી હરોળમાં મૂકી દેશે. તો સાથે જ નાણાકીય કટોકટીનો સામનો કરી રહેલી વોડાફોન આઈડિયા કંપનીને પણ આ ભાગીદારીથી બૂસ્ટર ડોઝ મળી જશે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficialજાણવા મળ્યા મુજબ, વોડાફોન આઈડિયામાં ગૂગલ 5 ટકા ભાગીદારી ખરીદવા પર વિચાર કરી રહી છે. ગૂગલ અને આદિત્ય બિરલા ગ્રુપ વચ્ચેની પાર્ટનરશિપમાં નાણાકીય બાબતો સમસ્યા ઊભી કરી રહી છે.2018માં વોડાફોન અન બિરલા ગ્રુપની આઈડિયા કંપની વચ્ચેની ભાગીદારીથી બનેલી વોડાફોન આઈડિયા કંપની માટે ગૂગલનું ઈન્વેસ્ટમેન્ટ બૂસ્ટર ડોઝ સમાન બની શકે છે. સુપ્રીમ કોર્ટે કરોડો રૂપિયાની બાકી ફી ભરવા માટે કરેલા આદેશ બાદ વોડાફોન આઈડિયાનું ભવિષ્ય અનિશ્ચિતતા તરફ ધકેલાઈ ગયું છે.વોડાફોન આઈડિયાએ રૂ. 58,254 કરોડ એજીઆર ફી પેટે ભરવાના થતા હતા, જેમાંથી તેણે ગત મહિને ત્રણ હપ્તામાં રૂ. 6,854 કરોડ ડિપાર્ટમેન્ટ ઓફ ટેલિકોમ્યુનિકેશન્સ (DoT)ને ચૂકવી દીધા છે.જાણવા મળ્યા મુજબ એજીઆરની બાકી ફી અને પ્રતિસ્પર્ધીઓને ટક્કર આપવા સહિતની વહીવટી જરૂરિયાત માટે વોડાફોન ગ્રુપ આ જોઈન્ટ વેન્ચર (વોડફોન આઈડિયા)માં વધારે રોકાણ કરશે. આ જોઈન્ટ વેન્ચરમાં વોડાફોન બીજા 20-22.5 કરોડ ડોલર રોકશે અને જ્યારે બાકીના લગભગ 12.5-15 કરોડ ડોલર જોઈન્ટ વેન્ચરના પાર્ટનર ચેરમેન કુમાર મંગલમ બિરલાના ખાનગી એકમો દ્વારા આવશે. આ મદદ પ્રેફરન્સ કેપિટલ કે રિડિમેબલ પ્રેફરન્સ શેર્સના રૂપમાં હોઈ શકે છે.