GSTનો નવો દર લાગુ
દીપશિખા સિકરવાર/રત્ના ભૂષણ, નવી દિલ્હીઃ બુધવારથી પોતાના ગ્રોસરી બિલ જરુર ધ્યાનથી ચેક કરજો. મેક્સિમમ રિટેલ પ્રાઈઝ પર વેચવામાં આવતા ચોકલેટ, ટૂથપેસ્ટ, શેમ્પુ, વોશિંગ પાઉડર અને શેવિંગ ક્રિમ જેવી ઘણી પ્રોડક્ટ્સનો ભાવ ઘટી જશે. એવું નથી કે GST (ગુડ્સ એન્ડ સર્વિસિઝ ટેક્સ)માં સૌથી ઊંચા 28% સ્લેબથી 18 પર લાવવાથી થશે. ગ્રોસરી બિલ જ નહીં પણ પોતાના રેસ્ટોરાના ફૂટ બિલને પણ સારી રીતે ચેક કરજો, કારણ કે, રેસ્ટોરાં બિલને પણ 12%થી 18% સ્લેબથી કાઢીને 5%ના વર્તુળમાં રાખવામાં આવ્યા છે.
નવા બિલ પર ધ્યાન આપજો
આ સેક્ટરોની કંપનીઓએ પોતાના ટ્રેડ ચેનલમાં સૂચના આપવાની શરુ કરી કે ટેક્સ કટનો ફાયદો કન્ઝ્યુમરને તાત્કાલિક આપવામાં આવે કારણ કે સ્ટિકર લગાવવા કે નવા સ્ટિકર પ્રિન્ટ કરવામાં સમય લાગે છે. એક ઘડિયાળની કંપની અને એક પ્રિન્ટર મેકરને ભાવમાં તાત્કાલિક ઘટાવાની સૂચના કન્ઝ્યુમર્સને અખબારોની જાહેરાતના માધ્યમથી આપવા અંગે વિચારી રહી છે. મેક્સિમમ રિટેલ પ્રાઈઝમાં ટેક્સવાળો ભાગ પણ હોય છે, પણ જો કોઈ કંપની કોઈ પ્રોડક્ટની બેઝ પ્રાઈઝ કે ડિસ્ટ્રીબ્યુટર અને ડીલરના માર્જિનને વધારવાનો નિર્ણય ન કરે, તો તેનો ભાવ નીચો આવી શકે છે.
નવી MRP ક્યારે લાગુ થશે?
સરકારે નવા ભાવના સ્ટિકર લગાવવા અંગેની કોઈ ગાઈડલાઈન્સ પણ હજુ જાહેર કરી નથી. એક સરકારી અધિકારીએ કહ્યું, “ઘણી પ્રોડક્ટ્સ MRP કેટેગરીમાં છે, હાલ કંપનીઓને ક્યાં તો સ્ટિકર લગાવવાનું રહેશે અથવા તો નવા ભાવને પ્રિન્ટ કરવા પડશે.” GST કાઉન્સિલે પાછલા શુક્રવારે પોતાની 23મી બેઠકમાં લગભગ 200 ઉત્પાદનો પર ટેક્સ રેટ ઘટાડ્યો હતો અને તેમાં 178ને 28%ના સ્લેબથી ઘટાડીને 18%વાળા સ્લેબમાં નાખ્યા હતા.
મંગળવાર રાતથી નવા રેટ્સ લાગુ
રાજ્યો અને કેન્દ્રએ આ સંબંધમાં નોટિફિકેશન જાહેર કરવાની સાથે નવા રેટ્સ મંગળવાર અડધી રાતથી લાગુ થયા. PWCના ઈનડાયરેક્ટ ટેક્સ પાર્ટનર પ્રતીક જૈને કહ્યું, “સારું છે કે GST કાઉન્સિલે એક ખાસ તારીખ એટલે કે 15 નવેમ્બરે નવા ભાવ લાગુ કર્યા છે, કારણ કે આ પહેલા કેટલાક મામલામાં અલગ-અલગ રાજ્યોમાં અલગ-અલગ તારીખે જાહેરાતો કરાઈ હતી. જોકે, સમયની અછતને જોતા મોટાભાગની કંપનીઓએ પ્રોડક્ટ્સનો ભાવ તાત્કાલિક નહીં ઘટાડી શકે, પણ તેમને ડીલરો અને રિટેલરોને કહ્યું કે કિંમત ઓછી કરવી જોઈએ.” તેમણે જણાવ્યું કે ક્સમર્સને પણ આ વાતની જાણકારી હોવી જોઈએ કે કઈ પ્રોડક્ટ્સના ભાવ કેટલા ઘટી શકે છે, ભલે તે પ્રોડક્ટ્સ પર MRP ન લખી હોય.
ભાવમાં થશે ઘટાડો
અમુલ ડેરી બ્રાન્ડની પ્રોડક્ટ્સ બનાવનાર ગુજરાત કૉ-ઓપરેટિવ મિલ્ક ફેડરેશને પોતાના ડિસ્ટિબ્યુટર્સને નવા ભાવ પર ઉત્પાદન વેચવા માટે કહ્યું છે. કંપનીના MD આરએસ સોઢીએ કહ્યું, “અમે કિંમતમાં બદલાવની પ્રક્રિયા શરુ કરી દીધી છે, પણ નવા MRPવાળી પ્રોડક્ટ્સ કન્ઝ્યુમર્સ સુધી પહોંચવામાં થોડો સમય લાગશે.” ડાબરે કહ્યું કે, તેણે તમામ ટ્રેડ ચેનલોને પ્રાઈઝમાં બદલાવની જાણકારી આપી દીધી છે. ડાબરના CEO લલિત મલિકે કહ્યું, “અત્યાર સુધી અમે પોતાના ડિસ્ટ્રિબ્યુટર્સને કશું નથી કીધું કારણ કે અમે નોટિફિકેશનની રાહ જોઈ રહ્યા હતા.”
