Happiest Minds નો IPO: આવી રીતે ચેક કરો એલોટમેન્ટ સ્ટેટસ

નવી દિલ્હીઃ આઇટી સેવા કંપની Happiest Mindsના આઈપીઓ માટે બોલી લગાવનારા રોકાણકારો શેર ફાળવણીની રાહ જોઇ રહ્યા છે. ખાસ કરીને રિટેલ અને HNI રોકાણકારોને ખાસ આતુરતા છે. લગભગ 700 કરોડનો આ IPO જબરદસ્ત હિટ રહ્યો અને તેને લગભગ 58, 294 કરોડની બોલી મળી હતી. તેમાં એન્કર કેટેગરી શામેલ નથી.

આઇટી ક્ષેત્રના દિગ્ગજ અશોક સૂતાના Happiest Mindsના શેર્સની ફાળવણી કેવી રીતે કરવામાં આવશે તેનો નિર્ણય મંગળવાર સુધીમાં લેવામાં આવશે. આ ઈશ્યૂ 9 સપ્ટેમ્બરે ખુલ્યો અને 11 સપ્ટેમ્બરના રોજ બંધ થયો. ઇશ્યૂને 151 ગણી બિડ મળી છે. શેર દીઠ ભાવ 165-166 રૂપિયા રાખવામાં આવ્યા હતા. તેને HNI કેટેગરીમાં 351 ગણો, QIB કેટેગરીમાં 77 ગણો અને છૂટક વર્ગમાં 70 ગણી બિડ મળી છે.

આ રીતે ચેક કરો એલોટમેન્ટ
આ ઈશ્યૂ માટે રોકાણકારોમાં ભારે ઉત્સાહ છે. અનલિસ્ટેડ ઝોનના દિનેશ ગુપ્તાના જણાવ્યા મુજબ, અનલિસ્ટેડ શેરના બિનસત્તાવાર માર્કેટમાં એવી ધારણા જોવા મળી રહી છે કે આ શેર રૂ. 142-146 ના પ્રીમિયમ પર ચાલી રહ્યો છે. આ સ્ટોક 17 સપ્ટેમ્બરના રોજ થવાની માર્કેટમાં લિસ્ટ થાય તેવી શક્યતા છે. જે રોકાણકારોએ ઇશ્યૂ માટે બિડ લગાવી છે તેઓ kfintech.com પર સબ્સ્ક્રિપ્શન સ્ટેટસ જોઈ શકે છે. આ આઈપીઓ રજિસ્ટ્રાર KFin Technologies Priviate Limitedનું ઓનલાઈન પોર્ટલ છે.