HDFC, HDFC બેન્ક રોકાણકારોના આકર્ષણનું કેન્દ્ર

મુંબઈ:લાંબા ગાળા માટે શેરોની ખરીદી કરતા કોઇપણ ઘરેલુ કે આંતરરાષ્ટ્રીય રોકાણકારો HDFC અને HDFC બેન્કના શેર અચુક ખરીદે છે. નજીકના ભવિષ્યમાં આ બંને કંપનીઓ રોકાણકારોના આકર્ષણનું કેન્દ્ર રહેવાની ધારણા છે, કારણ કે બંને મજબૂત બેલેન્સશીટ સાથે મજબૂત વૃદ્ધિ નોંધાવી રહી છે.

બીએસઇમાં ગુરુવારે હાઉસિંગ ડેવલપમેન્ટ ફાઇનાન્સ કોર્પ (HDFC)નો શેર 5.83 ટકા ઉછળીને રૂ.1,728.50એ બંધ આવ્યો હતો, જ્યારે HDFC બેન્કનો શેર પણ 2.18 ટકા ઉછળીને 1,787.95એ બંધ આવ્યો હતો.

HDFC દેશની સૌથી મોટી ગૃહધિરાણ કંપની બની રહી છે અને તેને રિયલ એસ્ટેટ માર્કેટ્સ મુશ્કેલીમાં હતું ત્યરે પણ સાતત્યપૂર્ણ વૃદ્ધિ નોંધાવી હતી. એડલવાઇસના કુણાલ શાહે જણાવ્યું હતું કે તેની કક્ષામાં શ્રેષ્ઠ લાયેબિલિટી ફ્રેન્ચલાઇઝી, ગ્રામીણ, અર્ધશહેરી બ્રાન્ચના વિસ્તરણ અને ડિજિટલ ફોકસને કારણે ઉત્પાદકતામાં વધારો જેવા પરિબળોથી બેન્ક બેન્કિંગ ઇન્ડસ્ટ્રીની વૃદ્ધિ કરતા ઊંચો ગ્રોથ નોંધાવશે.

HDFC ગ્રૂપની આ બંને કંપનીઓએ વાર્ષિક ધોરાણ તેમના ધિરાણ પોર્ટફોલિયોમાં 15 ટકા કરતા કરતા ઊંચી વૃદ્ધિ નોંધાવી છે. જૂન 2017ના રોજ HDFC બેન્કની લોન બુકમાં વાર્ષિક ધોરણે 23 ટકાનો વધારો થયો હતો. નોમુરાના અહેવાલમાં જણાવવામાં આવ્યું હતું કે HDFC બેન્કનો લોન ગ્રોથ 23 ટકા કરતા વધુ અને કોર ફી ઇનકમ ગ્રોથ 20 ટકા કરતા ઊંચો રહ્યો છે, જે અમારી ધારણા કરતા વધુ છે. અમે માનીએ છીએ કે પ્રીમિયમ વેલ્યુએશન જળવાઈ રહશે, કારણ કે વ્યાપની કોઇ સમસ્યા નથી.

HDFC મોર્ગેન બિઝનેસમાં ટોચનું સ્થાન ધરાવે છે. તેની સંચાલન હેઠળની એસેટ રૂ.3.38 લાખ કરોડથી વધુ છે. HDFCના ચેરમેન દીપક પારેખે બુધવારે જણાવ્યું હતું કે ભારતમાં હાઉસિંગ ક્ષેત્ર આકર્ષક છે.

ભારતની વસતીમાં યુવાનોનું ઊંચું પ્રમાણ, વધતી જતી આવક અને એફોર્ડેબિલિટીને કારણે હાઉસિંગની માગ મજબૂત છે. હાઉસિંગ ક્ષેત્ર માટે સરકારની વિવિધ યોજનાઓને કારણે તમામ હાઉસિંગ ફાઇનાન્સ કંપનીઓ અને ખાસ કરીને HDFC માટે વૃદ્ધિની ઊંચી સંભાવના ઊભી કરે છે. HDFC પૂરતી જોગવાઈ, નીચો ઓપરેટિંગ ખર્ચ અને નીચી એનપીએ ધરાવે છે.