ફેસ્ટિવ સીઝનમાં Heroને ચાંદી-ચાંદી, માત્ર 32 દિવસમાં 14 લાખ ટુ-વ્હીલર્સ વેચાયા

હીરો મોટોકોર્પે ફેસ્ટિવ સીઝનમાં તોતિંગ વેચાણ કર્યું છે. કંપનીએ કોવિડ-19ની મહામારી છતાં માત્ર 32 દિવસમાં 14 લાખ હીરો બાઈક્સ અને સ્કૂટરનું વેચાણ કર્યું છે. કંપનીના Splender+ અને HF Delux મોડલ્સ 100ccમાં ખૂબ વેચાયા. જ્યારે 125ccમાં ગ્લેમર અને સુપર સ્પ્લેન્ડર જેવા મોડલ્સ વેચાયા. 160cc સેગમેન્ટમાં Xtreme 160R અને XPulse બાઈકને ખૂબ પસંદ કરાઈ.

હીરો સ્પ્લેન્ડર સૌથી લોકપ્રિય મોડલ
કંપનીએ થોડા સમય પહેલા જ હીરો સ્પ્લેન્ડર પ્લસનું બ્લેક એક્સેન્ટ વેરિયન્ટ રજૂ કર્યું હતું. હીરો સ્પ્લેન્ડર કંપનીની સૌથી લોકપ્રિય બાઈક્સમાંથી એક છે. બ્લેક એન્ડ એક્સેન્ટ વેરિયન્ટની કિંમત 64,470 રૂપિયા છે. હીરો સ્પ્લેન્ડર કંપનીની સૌથી લોકપ્રિય બાઈક્સમાંથી એક છે. આ ઉપરાંત ટોપ ટુ-વ્હીલર્સની લિસ્ટમાં પણ આ બાઈક ઘણીવાર ટોપ પર હોય છે.

3 વેરિયન્ટમાં ઉપલબ્ધ
આ બાઈક 3 વેરિયન્ટમાં આવી રહી છે. તેના કિક સ્ટાર્ટ વેરિયન્ટની કિંમત હવે 60,500 રૂપિયા થઈ ગઈ છે. જે પહેલા 60,350 રૂપિયા હતી. જ્યારે બાઈકના સેલ્ફ સ્ટાર્ટ વેરિયન્ટની કિંમત હવે 62,800 રૂપિયા થઈ ગઈ છે. જે પહેલા 62,650 રૂપિયા હતી. જ્યારે સ્પ્લેન્ડર પ્લસ સેલ્ફ સ્ટાર્ટ i3S વેરિયન્ટની કિંમત હવે 64,010 રૂપિયા છે, જે પહેલા 63,860 રૂપિયા હતી.

સ્પ્લેન્ડર પ્લસ બાઈકમાં 97.2cc, સિંગલ સિલિન્ડર, એર-કૂલ્ડ એન્જિન આપેલું છે, જે 8000rpm પર 7.8bhpનો પાવર અને 6000rpm પર 8.05Nmનો પીક ટોર્ક જનરેટ કરે છે. બાઈકમાં ટ્યૂબલેસ ટાયર આપેલા છે, ત્યારે 130mmની રિયર બ્રેક છે.