HUL Q2 Results: કંપનીના નફામાં 21 ટકાનો ઉછાળો, 11 રુપિયા વચગાળાનું ડિવિડન્ડ

મુંબઈ: દિગ્ગજ FMCG કંપની Hindustan Unileverએ આજે જાહેર કરેલા પોતાના બીજા ત્રિમાસિક પરિણામમાં 21 ટકાનો ચોખ્ખો વધારો દર્શાવ્યો છે. ગત વર્ષના આ જ સમયગાળાની સરખામણીએ કંપનીનો નફા આ વર્ષે 21 ટકા ઉછળીને 1,848 કરોડ રુપિયા નોંધાયો છે. કોર્પોરેટ ટેક્સના દરમાં તાજેતરમાં થયેલા ઘટાડાને પગલે HULનો નફો પણ વધ્યો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો ગયા વર્ષે આ જ ગાળામાં HULએ 1525 કરોડ રુપિયાનો નફો કર્યો હતો. કંપનીનો વોલ્યૂમ ગ્રોથ પાંચ ટકા વધ્યું છે. સપ્ટેમ્બરમાં પૂરા થતાં ક્વાટરમાં કંપનીએ કુલ રુપિયા 9,852 કરોડ રુપિયાનું વચેચાણ કર્યું હતું, જે ગયા વર્ષના આ જ ગાળામાં થયેલા 9,234 કરોડ રુપિયાના વેચાણ કરતાં 6.69 ટકા વધારે છે. HULએ શેર દિઠ 11 રુપિયાનું વચગાળાનું ડિવિડન્ડ પણ જાહેર કર્યું છે.