મર્જરની શક્યતાથી IDFC,શ્રીરામ ગ્રુપના શેર્સ 7 ટકા સુધી ગગડ્યા

નવી દિલ્હી: IDFC,શ્રીરામ ગ્રુપ કંપનીના મર્જરની શક્યતા બાદ શેરબજારમાં આજે આ કંપનીઓના શેરોમાં 7 ટકા સુધીનું ગાબડું પડ્યું હતું.

BSE પર IDFCના શેર આજે બપોરે 4.67 ટકા ઘટીને રૂ.57.10, IDFC બેન્ક 3.32 ટકાના ધોવાણ સાથે રૂ.62.60 થયો હતો જોકે, બાદમાં તે રિકવર થઈને 0.31 ટકા વધીને રૂ.64.95ની સપાટીએ ટ્રેડ થઈ રહ્યો હતો.

શ્રીરામ ટ્રાન્સપોર્ટ ફાઈનાન્સના શેર 7.39 ટકા ગગડીને રૂ.1,010 અને શ્રીરામ સિટી યુનિયન ફાઈનાન્સ 5.52 ટકા ઘટીને રૂ.2,350ની સપાટીએ ટ્રે઼ડ થઈ રહ્યા હતા.

મોડે મોડે 2015માં બેન્કિંગ ક્ષેત્રમાં આવલી IDFC અને પિરામલ ગ્રુપના ટેકો ધરાવતી ફાઈનાન્શિયલ સર્વિસિસ પૂરી પાડતા શ્રીરામ ગ્રુપે શનિવારે મર્જર માટે સંમતિ દર્શાવી હતી.