સોમવારે જારી કરેલા વર્લ્ડ ઇકોનોમિકલ આઉટલૂકમાં આઇએમએફે નાણાકીય વર્ષ 2017-18 અને 2018-19માં ભારતનો વૃદ્ધિદર અનુક્રમે 7.2 ટકા અને 7.7 ટકા રહેવાની આગાહી કરી છે, જે એપ્રિલના અંદાજ મુજબ જ છે. ગ્લોબલ ગ્રોસ ડોમેસ્ટિક પ્રોડક્ટ (જીડીપી)નો અંદાજ 2016-17ના 3.5 ટકાથી બદલીને 2017-18માં 3.6 ટકા કરવામાં આવ્યો છે.
આઇએમએફે કુઆલા લુમ્પુરમાં તેના અંદાજને અપડેટ કરતાં જણાવ્યું હતું કે, એપ્રિલ 2017ની આગાહી મુજબ ભારતનો વૃદ્ધિદર 2017 અને 2018માં વેગ પકડશે. સરકારના ચલણ વિનિમય કાર્યક્રમના લીધે 2016-17ના નાણાકીય વર્ષમાં 7.1 ટકાનો વૃદ્ધિદર અપેક્ષા કરતાં વધારે હતો અને તેનાં કારણ મજબૂત સરકારી ખર્ચ અને ડેટા રિવિઝન હતાં જે વર્ષના પ્રથમ હિસ્સામાં મજબૂત મોમેન્ટમ દર્શાવે છે. આઇએમએફે જણાવ્યું હતું કે ભારતમાં અને અન્ય ઊભરતાં અર્થતંત્રોમાં બ્રાઝિલ અને રશિયામાં ફુગાવો ઘટવાનું જારી છે.
વૈશ્વિક વૃદ્ધિ 2016માં 3.2 ટકા હતી, જે એપ્રિલના અંદાજ કરતાં વધારે મજબૂત છે, તેનું કારણ ઇરાનનો ઊંચો વૃદ્ધિદર અને ભારતમાં રાષ્ટ્રીય હિસાબોમાં સુધારણાના લીધે મજબૂત પ્રવૃત્તિ હતી. અમેરિકાનો વૃદ્ધિદર 2017માં 2.1 ટકા જેટલો નીચો અને 2018માં ત્રણ મહિના પૂર્વેના 2.5 ટકાના અંદાજથી ઓછો 2.3 ટકા થવાનો અંદાજ છે. પ્રથમ ક્વાર્ટરમાં નબળી વૃદ્ધિના લીધે તેમાં ઘટાડાનો અંદાજ મુકાયો છે.