પહેલીવાર આટલો બધો છલકાઈ ગયો છે દેશનો ખજાનો...

I am Gujarat

વિદેશી હૂંડિયામણ ભંડારમાં થયો વધારો

ગાયત્રી નાયક/આત્મદીપ રે, મુંબઈ, કોલકાતા: જૂન ત્રિમાસિક ગાળામાં કરન્ટ અકાઉન્ટ લોસ GDPના 2.4 ટકા જેટલો થઈ ગયો છે. પરંતુ દેશનો વિદેશી હૂડિયામણનો ભંડાર રેકોર્ડ 400 બિલિયન ડૉલર સુધી પહોંચી ગયો છે. આશા કરાઈ રહી છે કે આ ભંડારને કારણે વૈશ્વિક બજાર પર ગમે તેટલા સંકટોનો સામનો કરવા માટે ભારતીય અર્થતંત્ર સક્ષમ બની ગયું હશે. નોંધનીય છે કે ભારત હાલ વિદેશી હૂંડિયામણના ભંડારની બાબતમાં વિશ્વમાં 8મા ક્રમાંકે છે. આ યાદીમા ચીન (3.09 ટ્રિલિયન ડૉલર) અને જાપાન (1.2 ટ્રિલિયન ડૉલર) સાથે સૌથી આગળ છે.

ભારત પર વિશ્વાસ વધશે

ભંડારમાં આ વધારો મેન્યુફેક્ચરિંગ અને સર્વિસ સેક્ટરમાં પોર્ટફોલિયો રોકાણકારો અને FDIને કારણે થયો છે. આ વધારો ભારતની મેક્રો ઈકોનોમીની મજબૂતી અને ગ્રોથમાં રોકાણકારોના વિશ્વાસને દર્શાવે છે.

નિકાસમાં થયો વધારો

RBI દ્વારા જણાવાયું હતું કે, ‘કરન્ટ અકાઉન્ટ લૉસ જૂન ત્રિમાસિક ગાળામાં GDPના 2.4 ટકા જેટલો વધી ગયો છે. પાછલા વર્ષ કરતા તે 0.1 ટકા વધુ છે. સરકારી આંકડાઓ અનુસાર ઓગસ્ટ માસમાં ભારતની નિકાસમાં વધારો થયો હતો. આ સિવાય ભારતની આયાતો નિકાસ કરતા વધી છે. આયાતમાં 21 ટકાનો વધારો નોંધાયો છે.’

આટલો વધારો થયો…

ગઈકાલે RBI દ્વારા રજૂ કરાયેલા આંકડાઓ અનુસાર વિદેશી હૂંડિયામણ ભંડાર 15 સપ્ટેમ્બરના રોજ સમાપ્ત સપ્તાહમાં 260.41 કરોડ ડૉલરથી વધીને 400.72 અબજ ડૉલર થઈ ગયો. જે 25,592 અબજ ડૉલર બરાબર છે.

NRI ડિપોઝિટ યોજના

NRI લોકો માટે 3 વર્ષીય વિશેષ જમા યોજનાને કારણે પણ સારી આવક થઈ છે. આ સિવાય વિદેશી પોર્ટફોલિયો રોકાણ મજબૂત બન્યું છે અને 2017માં 42,659 કરોડનું ઈક્વિટી રોકાણ થયું છે.

શું કહે છે નિષ્ણાત?

સિંગાપુર સ્થિત DBS બેન્કના અર્થશાસ્ત્રી રાધિકા રાવ પ્રમાણે વિદેશી હૂંડિયામણ ભંડારમાં રેકોર્ડ વધારમાં મુખ્ય ભૂમિકા મજબૂત પોર્ટફોલિયો આવક અને અર્થવ્યવસ્થામાં રોકાણકારોના ભરોસાએ ભજવી છે.