એપશહેર

ભારત ગેસ ટ્રેડિંગનું હબ બનશે: પ્રધાન

I am Gujarat 13 Jul 2017, 1:35 pm
નવી દિલ્હી: ઓઇલમંત્રી ધર્મેન્દ્ર પ્રધાને તુર્કીમાં ઇસ્તંબુલ ખાતે યોજાયેલી બાવીસમી વર્લ્ડ પેટ્રોલિયમ કોંગ્રેસ ખાતે રોકાણકારોને જણાવ્યું હતું કે, ભારતના કુદરતી ગેસ સેક્ટરમાં બજારના હિતમાં હોય તેવા સુધારા થશે, જેથી દેશને ટ્રેડિંગ હબ બનાવવામાં મદદ મળશે. અમે ભારતમાં ગેસ માર્કેટને રિફોર્મ કરવાની પ્રક્રિયા કરી રહ્યા છીએ. તમે ભારતમાં ગેસ ટ્રેડિંગ હબ મારફતે તમારા ગેસનું વેચાણ કરી શકશો.એમ પ્રધાને જણાવ્યું હતું.
I am Gujarat india 23
ભારત ગેસ ટ્રેડિંગનું હબ બનશે: પ્રધાન


ઇકોનોમિક ટાઇમ્સે 15 જૂને નોંધ્યું હતું કે, સરકાર ગેસ ટ્રેડિંગ હબ વિકસાવવાની દિશામાં યોજના ઘડી રહી છે, જેનાથી ડોમેસ્ટિક તેમજ આયાતી ગેસ માટે સારા ભાવ મેળવવામાં મદદ મળશે અને સમય જતાં ભારત એશિયાનું પ્રાઇસિંગ હબ બનશે અને સિંગોપર, શાંઘાઇ કે ટોકયો સામે સ્પર્ધા કરશે.

વિશ્વમાં ભારત ચોથા ક્રમનું LNG આયાતકાર છે અને તેની ગેસની કુલ જરૂરિયાતમાંથી લગભગ 50 ટકા જરૂરિયાત આયાત દ્વારા પૂરી કરે છે. ભારતના મોટા ભાગના લોંગ-ટર્મ LNG કોન્ટ્રાક્ટના ભાવ ક્રૂડ ઓઇલ અને સરકારે નક્કી કરેલી ફોર્મ્યુલાવાળા ડોમેસ્ટિક ગેસના ભાવ સાથે સંકળાયેલા છે. ડોમેસ્ટિક માર્કેટને પરિવક્વ કરવું હોય તો ભાવ પણ માર્કેટ આધારિત હોવા જરૂરી છે.

પ્રધાને ભારતના એક્સ્પ્લોરેશન એન્ડ પ્રોડક્શન (E&P) સેક્ટરમાં ભાગીદાર બનવા માટે રોકાણકારોને આમંત્રિત કર્યા હતા. તમારા રોકાણ માટે અમે 2.8 મિલિયન ચોરસ કિમી વિસ્તાર ખુલ્લો કર્યો છે અને તમે ભારતમાં રોકાણ કરવા આવશો તો અમે લાલ જાજમ પાથરીશું. એમ પ્રધાને ઉમેર્યું હતું.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો