બીરજુ શાહ, અમદાવાદ
birju.shah@timesgroup.com
વૈશ્વિક સ્તરે છેલ્લા ત્રણ મહિનાથી બેઝ મેટલ, નોન-ફેરસ મેટલ અને ફેરસ મેટલના ભાવમાં સુધારો આવ્યો છે. એલ્યુમિનિયમ, ઝીંક, કોપર વગેરેના ભાવ સુધરતાં સ્થાનિક તેમજ વૈશ્વિક સ્તરે મેટલ કંપનીઓના સ્ટોક્સ મંદીમાંથી બહાર આવ્યા છે. જોકે, વૈશ્વિક કંપનીઓની સરખામણીએ ભારતીય મેટલ કંપનીઓએ શેરબજારમાં ચડિયાતો દેખાવ કર્યો છે. ભારતીય મેટલ સ્ટોક્સમાં છેલ્લાં ત્રણ અને એક વર્ષમાં રોકાણ કરનારાઓને વૈશ્વિક હરીફોની સરખામણીએ વધુ વળતર મળ્યું છે. વિશ્લેષકોનું માનવું છે કે, વિદેશી કંપનીઓની સરખામણીએ ભારતીય કંપનીઓ માટે સ્થિતિમાં વધુ ઝડપે સુધારો થયો છે અને તે માટે ઇન્ફ્રાસ્ટ્રકચરમાં વધતું રોકાણ, સરકારનાં પગલાં જેવાં કારણો જવાબદાર છે.
US સ્ટીલ, આર્સેલર મિત્તલ, નિપ્પોન, થાયસેનક્રુપ્પ, એલકો જેવી વૈશ્વિક મેટલ કંપનીઓના સ્ટોક્સમાં એક વર્ષમાં સાધારણ ૦.૫ ટકાથી નેગેટિવ રિટર્ન મળ્યું છે. આની સામે ટાટા સ્ટીલ, JSW સ્ટીલ, હિન્દ કોપર, હિન્દાલ્કો, વેદાંત જેવી કંપનીઓમાં ૬ ટકાથી ૯૭ ટકા સુધીનું વળતર મળ્યું છે. આનંદ રાઠી સિક્યોરિટીઝના રિપોર્ટ અનુસાર, કેટલાક મહિનાઓથી લંડન મેટલ એક્સ્ચેન્જ (LME)માં બેઝ મેટલના ભાવમાં સુધારો આવવાની સાથે ઇન્વેન્ટરીમાં પણ ઘટાડો થયો છે, જે પોઝિટિવ સંકેત છે. જોકે, હજી આ સેકટર સામે પડકારો ઊભા છે અને તેથી છેલ્લા કેટલાક સમયથી શેરોમાં આવેલા ઉછાળા બાદ તેને ઊંચા ભાવે સાવેચતીપૂર્વક ફોલોઅપ કરવું જોઈએ. મોતીલાલ ઓસ્વાલના મેટલ એનાલિસ્ટ સંજય જૈનના રિપોર્ટ અનુસાર, સાપ્તાહિક ધોરણે લોંગ પ્રોડક્ટના ભાવમાં ૧.૬ ટકાનો ઘટાડો જોવાયો છે, એટલે કે ઊંચા મથાળે પ્રોફિટ બુકિંગ થયું છે. ઉપરાંત, ગયા સપ્તાહે સ્થાનિક સ્ક્રેપના ભાવમાં પણ ૦.૬ ટકાનો ઘટાડો હતો. પેલેટ્સના ભાવમાં કોઈ ફેરફાર થયા નહોતાં. NMDCએ આર્યન ઓર લમ્પ્સના ભાવમાં ટને ~૧૦૦નો ઘટાડો કર્યો હતો. આ બધા સંકેતો સ્થાનિક ભાવમાં ઊંચે મથાળે સ્થિરતા આવી હોવાના છે. બીજી તરફ ચીનમાં આયર્ન ઓરના ભાવમાં સાપ્તાહિક ધોરણે બે ટકાનો સુધારો હતો. એલ્યુમિનિયમના ભાવમાં છેલ્લા એક મહિનામાં સુધારો જોવાયા બાદ છેલ્લા એક સપ્તાહથી ભાવ સ્થિર થઈ ગયા હોવાનો ટ્રેન્ડ છે. LMEમાં એલ્યુમિનિમના સ્પોટ ભાવ છેલ્લે ૧,૬૮૨ ડોલર હતાં જે માર્ચ ૨૦૧૬ના અંતના ૧,૫૨૪ ડોલરના ભાવની સરખામણીએ ત્રણ મહિનામાં ૧૬૦ ડોલર વધારો થયો છે. તેવી જ રીતે ઝિંકના ભાવ ૧,૮૪૨ ડોલરથી વધીને ૨,૨૧૬ અને કોપરના ભાવ ૪,૮૮૦ ડોલરથી વધીને ૪,૯૪૫ થયા હતા. હોટ રોલ્ડ કોઇલના ભાવ ટને ૩૬૫ ડોલરની આસપાસ અથડાઈ ગયા છે, જે ત્રણ મહિના અગાઉ ૩૫૦ ડોલર હતા. લેડના ભાવ ૧,૭૨૦ ડોલર સામે વધીને ૧,૮૧૬ ડોલર છે. આમ ઓવરઓલ વિવિધ મેટલ અને બેઝ મેટલના ભાવમાં પાંચથી લઈને ૨૦ ટકા સુધીનો સુધારો આવ્યો છે.
birju.shah@timesgroup.com
વૈશ્વિક સ્તરે છેલ્લા ત્રણ મહિનાથી બેઝ મેટલ, નોન-ફેરસ મેટલ અને ફેરસ મેટલના ભાવમાં સુધારો આવ્યો છે. એલ્યુમિનિયમ, ઝીંક, કોપર વગેરેના ભાવ સુધરતાં સ્થાનિક તેમજ વૈશ્વિક સ્તરે મેટલ કંપનીઓના સ્ટોક્સ મંદીમાંથી બહાર આવ્યા છે. જોકે, વૈશ્વિક કંપનીઓની સરખામણીએ ભારતીય મેટલ કંપનીઓએ શેરબજારમાં ચડિયાતો દેખાવ કર્યો છે. ભારતીય મેટલ સ્ટોક્સમાં છેલ્લાં ત્રણ અને એક વર્ષમાં રોકાણ કરનારાઓને વૈશ્વિક હરીફોની સરખામણીએ વધુ વળતર મળ્યું છે. વિશ્લેષકોનું માનવું છે કે, વિદેશી કંપનીઓની સરખામણીએ ભારતીય કંપનીઓ માટે સ્થિતિમાં વધુ ઝડપે સુધારો થયો છે અને તે માટે ઇન્ફ્રાસ્ટ્રકચરમાં વધતું રોકાણ, સરકારનાં પગલાં જેવાં કારણો જવાબદાર છે.
US સ્ટીલ, આર્સેલર મિત્તલ, નિપ્પોન, થાયસેનક્રુપ્પ, એલકો જેવી વૈશ્વિક મેટલ કંપનીઓના સ્ટોક્સમાં એક વર્ષમાં સાધારણ ૦.૫ ટકાથી નેગેટિવ રિટર્ન મળ્યું છે. આની સામે ટાટા સ્ટીલ, JSW સ્ટીલ, હિન્દ કોપર, હિન્દાલ્કો, વેદાંત જેવી કંપનીઓમાં ૬ ટકાથી ૯૭ ટકા સુધીનું વળતર મળ્યું છે. આનંદ રાઠી સિક્યોરિટીઝના રિપોર્ટ અનુસાર, કેટલાક મહિનાઓથી લંડન મેટલ એક્સ્ચેન્જ (LME)માં બેઝ મેટલના ભાવમાં સુધારો આવવાની સાથે ઇન્વેન્ટરીમાં પણ ઘટાડો થયો છે, જે પોઝિટિવ સંકેત છે. જોકે, હજી આ સેકટર સામે પડકારો ઊભા છે અને તેથી છેલ્લા કેટલાક સમયથી શેરોમાં આવેલા ઉછાળા બાદ તેને ઊંચા ભાવે સાવેચતીપૂર્વક ફોલોઅપ કરવું જોઈએ. મોતીલાલ ઓસ્વાલના મેટલ એનાલિસ્ટ સંજય જૈનના રિપોર્ટ અનુસાર, સાપ્તાહિક ધોરણે લોંગ પ્રોડક્ટના ભાવમાં ૧.૬ ટકાનો ઘટાડો જોવાયો છે, એટલે કે ઊંચા મથાળે પ્રોફિટ બુકિંગ થયું છે. ઉપરાંત, ગયા સપ્તાહે સ્થાનિક સ્ક્રેપના ભાવમાં પણ ૦.૬ ટકાનો ઘટાડો હતો. પેલેટ્સના ભાવમાં કોઈ ફેરફાર થયા નહોતાં. NMDCએ આર્યન ઓર લમ્પ્સના ભાવમાં ટને ~૧૦૦નો ઘટાડો કર્યો હતો. આ બધા સંકેતો સ્થાનિક ભાવમાં ઊંચે મથાળે સ્થિરતા આવી હોવાના છે. બીજી તરફ ચીનમાં આયર્ન ઓરના ભાવમાં સાપ્તાહિક ધોરણે બે ટકાનો સુધારો હતો. એલ્યુમિનિયમના ભાવમાં છેલ્લા એક મહિનામાં સુધારો જોવાયા બાદ છેલ્લા એક સપ્તાહથી ભાવ સ્થિર થઈ ગયા હોવાનો ટ્રેન્ડ છે. LMEમાં એલ્યુમિનિમના સ્પોટ ભાવ છેલ્લે ૧,૬૮૨ ડોલર હતાં જે માર્ચ ૨૦૧૬ના અંતના ૧,૫૨૪ ડોલરના ભાવની સરખામણીએ ત્રણ મહિનામાં ૧૬૦ ડોલર વધારો થયો છે. તેવી જ રીતે ઝિંકના ભાવ ૧,૮૪૨ ડોલરથી વધીને ૨,૨૧૬ અને કોપરના ભાવ ૪,૮૮૦ ડોલરથી વધીને ૪,૯૪૫ થયા હતા. હોટ રોલ્ડ કોઇલના ભાવ ટને ૩૬૫ ડોલરની આસપાસ અથડાઈ ગયા છે, જે ત્રણ મહિના અગાઉ ૩૫૦ ડોલર હતા. લેડના ભાવ ૧,૭૨૦ ડોલર સામે વધીને ૧,૮૧૬ ડોલર છે. આમ ઓવરઓલ વિવિધ મેટલ અને બેઝ મેટલના ભાવમાં પાંચથી લઈને ૨૦ ટકા સુધીનો સુધારો આવ્યો છે.