ઈન્ડિયન નેવીએ અનિલ અંબાણીની કંપનીને આપેલો 2500 કરોડનો કોન્ટ્રાક્ટ કેન્સલ કર્યો

નવી દિલ્હી: ઈન્ડિયન નેવીએ અનિલ અંબાણીની માલિકીની રિલાયન્સ નેવલ એન્ડ એન્જિનિયરિંગ લિમિટેડ (RNEL)ને આપેલો 2500 કરોડનો એક કોન્ટ્રાક્ટ કેન્સલ કરી દીધો છે. આ નેવીનો ઓફશોર પેટ્રોલ વેસલ્સ (NPOVs) કોન્ટ્રાક્ટ હતો. આ મામલે જોડાયેલા સૂત્રોએ કહ્યું કે, ઈન્ડિયન નેવીએ આ કોન્ટ્રાક્ટને બે સપ્તાહ પહેલા જ કેન્સલ કરી દીધો હતો. એવું ડિલિવરીમાં મોડું થવાના કારણે કરાયું છે. RNELએ આ મામલે કોઈ ટિપ્પણી કરી નથી.

રિલાયન્સ ઈન્ફ્રાસ્ટ્રક્ચર છે પેરન્ટ કંપની
RNELની પેરન્ટ કંપની રિલાયન્સ ઈન્ફ્રાસ્ટ્રક્ચર છે. RNELનું પહેલા પિપાવાવ ડિફેન્સ એન્ડ ઓફશોર એન્જિનિયરિંગ લિમિટેડ નામ હતું. નેવીએ 2011માં પાંચ વોરશિપ માટે કંપની સાથે કરાર કર્યા હતા. એ સમય સુધી રિલાયન્સ જૂથે ગુજરાત સ્થિત આ કંપનીને હસ્તગત નહોંતી કરી અને તેના માલિક નિખિલ ગાંધી હતા. રિલાયન્સ જૂથે 2015માં પિપાવાવ ડિફેન્સ એન્ડ ઓફશોર એન્જિનિયરિંગ લિમિટેડને ટેકઓવર કરી અને બાદમાં તેનુ નામ બદલીને રિલાયન્સ નેવલ એન્ડ એન્જિનિયરિંગ લિમિટેડ (RNEL) કરી દીધું.

કંપની હાલમાં રિઝોલ્યુશન પ્રક્રિયામાંનેવી તરફથી તેને 5 વોરશિપ તૈયાર કરવાનો કોન્ટ્રાક્ટ 2011માં મળ્યો હતો. હાલ આ અહેવાલને લઈને RNEL તરફથી કોઈ નિવેદન નથી અપાયું. RNEL હાલ નેશનલ કંપની લો ટ્રિબ્યૂનલ (NCLT)માં રિઝોલ્યુશન પ્રક્રિયામાંથી પસાર થઈ રહી છે. કંપની IDBI બેંકની ડિફોલ્ટર છે. કંપની પર લગભગ 11 હજાર કરોડ રૂપિયાનું દેવું છે.