નકારાત્મક વૈશ્વિક સંકેત
જિયોજિત ફાઈનાન્સિયલના હેડ ઓફ રિસર્ચ વિનોદ નાયરે જણાવ્યું છે કે બજારના બીજા હાફમાં ભારતીય બેન્ચમાર્ક સૂચકાંક નફો બુક કરાવવાનો શિકાર થઈ ગયું હતું. આ વૈશ્વિક સંકેતોને અનુકૂળ હતું જે યુરોપ સહિત ઘણા દેશોમાં કોરોનાના કેસ વધી રહ્યા હોવાથી નેગેટિવ થઈ ગયું હતું. યુરોપમાં કેસ વધવાના કારણે કડક પ્રતિબંધો લાગુ કરવા અંગે વિચાર કરવામાં આવી રહ્યો છે.
ઈન્ડસઈન્ડ બેન્કને થયું સૌથી વધુ નુકસાન
સેન્સેક્સના શેરોમાં સૌથી વધુ નુકસાન ઈન્ડસઈન્ડ બેંકને થયું છે. જેમાં 8 ટકાથી વધારેનો ઘટાડો થયો છે. આ ઉપરાંત જે મુખ્ય શેરોમાં ઘટાડો થયો હતો તેમાં ભારતી એરટેલ, ટાટા સ્ટીલ, આઈસીઆઈસીઆઈ બેંક, મહિન્દ્રા એન્ડ મહિન્દ્રા, મારૂતી, એક્સિસ બેંક અને ઓએનજીસી સામેલ છે. બીજી તરફ કોટક બેંક, ઈન્ફોસિસ અને ટીસીએસ ફાયદો કરાવનારા શેરો રહ્યા હતા. યુરોપમાં વધી રહેલા કોરોનાના કેસને લઈને વિશ્વના અગ્રણી શેરબજારોમાં અચાનક થયેલા સેલ ઓફની અસર ઘરેલુ બજારો પર પડી છે.
વૈશ્વિક બજારોની હાલત પણ ખરાબ
વૈશ્વિક સ્તરે એશિયાના અન્ય બજારોમાં ચીનનું શાંઘાઈ, હોંગકોંગ અને સાઉથ કોરિયાના સિયોલમાં પણ ભારે ઘટાડો જોવા મળ્યો હતો. યુરોપના મુખ્ય બજારોમાં શરૂઆતમાં ભારે વેચાણ થયું હતું અને ત્રણ ટકાનો ઘટાડો નોંધાયો હતો. બીજી તફ અમેરિકન ડોલર મુકાબલે રૂપિયો 7 પૈસા મજબૂત થઈને 73.38 પર બંધ થયો હતો.
બીએસઈમાં 2,165 કંપનીઓના શેરનો ભાવ ઘટ્યો
બીએસઈમાં 2,165 કંપનીઓના શેરના ભાવમાં ઘટાડો થયો હતો. 595 કંપનીઓના શેરના ભાવમાં વધારો થયો હતો જ્યારે 178 કંપનીના શેરના ભાવમાં કોઈ વધઘટ થઈ ન હતી. સમગ્ર રીતે જોતા બીએસઈ સ્મોલકેપ અને મિડકેપમાં 3.61 ટકાનો ઘટાડો થયો હતો. બીએસઈમાં તમામ સેક્ટરમાં ઘટાડો જોવા મળ્યો હતો. ટેલીકોમ, રિયલ્ટી, મેટલ અને ઓટો સેક્ટરમાં 5.77 ટકા સુધીનો ઘટાડો નોંધાયો હતો.