IT શેરોના PE ત્રણ વર્ષની ટોચે

65804221 રણજિત શિંદે

I am Gujarat

ઇટી ઇન્ટેલિજન્સ ગ્રૂપ

વિશ્વનાં અગ્રણી ચલણો સામે રૂપિયામાં તીવ્ર નરમાઈથી ઇન્ફર્મેશન ટેક્‌નોલોજી (આઇટી) ક્ષેત્રની અગ્રણી અને મધ્યમ કદની કેટલીક કંપનીઓના શેરો વધીને બાવન સપ્તાહના ઊંચી સપાટીએ સ્પર્શ્યા છે. તેનાથી આ કંપનીઓનો પ્રાઇસ ટુ અર્નિંગ (પીઇ) રેશિયો વધીને ત્રણ વર્ષના ઊંચા સ્તરે પહોંચ્યો છે.

દેશની સૌથી મોટી સોફ્ટવેર નિકાસકાર કંપની ટાટા કન્સલ્ટન્સિંગ સર્વિસિસ (ટીસીએસ) હાલમાં એક મહિનાના સરેરાશ 28.7ના પીઇ રેશિયોએ ટ્રેડ થાય છે. તેનો ત્રણ વર્ષનો સરેરાશ પીઇ રેશિયો 21.7 છે.

ઇન્ફોસિસ અને વિપ્રો સહિતના બીજા ટોચના આઇટી શેરો તેમના ત્રણ વર્ષના સરેરાશ કરતાં 10 ટકા પ્રીમિયમે ટ્રેડ થાય છે. મધ્યમ કદની આઇટી કંપની માઇન્ડટ્રીનો એક મહિનાનો સરેરાશ પીઇ રેશિયો વધીને 29.1 થયો છે. તેનો ત્રણ વર્ષનો સરેરાશ પીઇ 21.4 છે. મધ્યમ કદની આઇટી કંપની એમ્ફેસિસ હાલમાં ત્રણ વર્ષના સરેરાશ પીઇ કરતાં 61 ટકા પ્રીમિયમે ટ્રેડ થાય છે. રૂપિયામાં નરમાઈ ઉપરાંત ટીસીએસ અને એમ્ફેસિસ જેવી કેટલીક કંપનીઓની શેર બાયબેક ઓફરથી પણ રોકાણકારો આકર્ષાયા છે.

બુધવારે ડોલર સામે રૂપિયો 71.19એ બંધ આવ્યો હતો, જે 2018માં અત્યાર સુધી 11.5 ટકા ઘટાડો દર્શાવે છે. સ્થાનિક ચલણમાં ઘટાડાથી નિકાસકારોની આવકને વેગ મળે છે. રૂપિયામાં એક ટકા ઘટાડાથી આઇટી કંપનીઓના ઓપરેટિંગ માર્જિનમાં 35થી 40 બેસિસ પોઇન્ટ્સનો વધારો થાય છે. હાલનાં વેલ્યુએશન ઊંચાં છે, પરંતુ નજીકના ગાળામાં રૂપિયાના મૂલ્યમાં વધુ ધોવાણની ધારણાએ રોકાણકારો શેરોમાં ખરીદી ચાલુ રાખે તેવી ધારણા છે.
]]>