રિઝર્વ બેંકના નોટિફિશનમાં કહેવામાં આવ્યું છે કે, જિયો પેમેન્ટ બેંકે ત્રણ એપ્રિલ, 2018થી પેમેન્ટ બેંક તરીકે કાર્ય શરૂ કર્યું છે. ટેલિકોમ સેક્ટરની ભારતી એરટેલે નવેમ્બર, 2016માં સૌપ્રથમ પેમેન્ટ બેંક શરૂ કરી હતી. પેટીએમના સંસ્થાપક વિજય શેખર શર્માની પેટીએમ પેમેન્ટ બેંકે મે, 2017 અને ફિનો પેમેન્ટ બેંકે ગયા વર્ષે જૂનમાં કામ શરૂ કર્યું હતું. આરબીઆઈએ કહ્યું છે કે, જિયો પેમેન્ટ બુક, રિલાયન્સ ઇન્ડસ્ટ્રીઝ લિમિટેડ (આરઆઈએલ) અને સ્ટેટ બેંક ઓફ ઇન્ડિયાનું જોઇન્ટ વેન્ચર છે. તેમાં આરઆઈએલની 70 ટકા ભાગીદારી છે.
પેમેન્ટ બેંકિંગ સેક્ટરમાં જોવા મળશે ટક્કર
જિયોએ ટેલિકોમ સેક્ટરમાં ડગલું ભરતાની સાથે જ પોતાનો આધાર મજબૂત બનાવી દીધો છે. ફ્રી વૉઇસ કૉલ અને ડેટાથી તેનો યુઝર બેસ વધી ગયો છે. કંપની હવે પેમેન્ટ બેંકિંગ સેક્ટરમાં ઊતરી રહી છે. એવું માનવામાં આવી રહ્યું છે કે, પેમેન્ટ બેંકિંગમાં પણ રસપ્રદ હરીફાઈ જોવા મળી શકે છે.
મળશે આ ફાયદા
– પેમેન્ટ બેંકમાં કોઈ પણ વ્યક્તિ સેવિંગ એકાઉન્ટ ખોલાવી શકે છે.– આ એકાઉન્ટમાં એક લાખ રૂપિયા સુધીની રકમ જમા કરાવવાની સુવિધા છે.– પેમેન્ટ બેંક ડેબિટ કાર્ડ પણ ઇસ્યુ કરી શકે છે.– પેમેન્ટ બેંક પાસે કસ્ટમરને સામાન્ય ફાઇનાન્શિયલ પ્રોડક્ટ્સ જેવી કે મ્યુચ્યુઅલ ફંડ અને ઇન્સ્યોરન્સ પ્રોડક્ટ્સ આપવાનો પણ ઑપ્શન હશે.
વેપારીઓને પણ થશે ફાયદો
– નાના કારોબારીઓ માટે આ ખાસ ફાયદાકારક છે. તે અંતર્ગત પાંચથી છ કર્મચારી ધરાવતા બિઝનેસ માટે પેમેન્ટ બેંકમાં સેલેરી એકાઉન્ટ પણ ખોલાવી શકાય છે.– પેમેન્ટ બેંકથી મોબાઇલ દ્વારા બેંકિંગ ઘણું સરળ થશે અને તે માટે બેંકોના ચક્કર લગાવવામાંથી છુટકારો મળશે.– તેની પોતાની મર્યાદાઓ છે, જે તેને સામાન્ય બેંકિંગથી અલગ તારવે છે.
આ રીતે ખોલાવી શકો એકાઉન્ટ
– સૌપ્રથમ જિયો પેમેન્ટ બેંકની એપ ઇન્સ્ટોલ કરો અને તમારા જિયો નંબર સાથે સાઇનઇન કરો.– નિશ્ચિત જગ્યાએ તમારો આધાર નંબર નાખો અને આધાર કાર્ડ લિંક કરો.– જો ડેબિટ/એટીએમ કાર્ડની જરૂર પડે તો એડ્રેસ અપડેટ કરો.– પેમેન્ટ બેંક એકાઉન્ટ માટે કસ્ટમર એક્ઝિક્યુટિવ તમારી ઓળખનું ફિઝિકલ વેરિફિકેશન અને થમ્પ ઇમ્પ્રેશન એટલે કે કેવાયસી માટે તમારા ઘરે આવશે.– તમે જિયો પેમેન્ટ બેંકના ઑથોરાઇઝ સેન્ટર પર જઈને પણ વેરિફિકેશન કરાવી શકો છો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.