JIO યૂઝર્સ માટે મોટા સમાચાર, હવે જમા કરવી પડશે સિક્યોરિટી ડિપોઝીટ

તાજેતરમાં રિલાયન્સ જિયો દ્વારા Postpaid Plus સેવાની જાહેરાત કરવામાં આવી છે. તેના પ્લાન્સ 399 રૂપિયાથી વધીને 1,499 રૂપિયા સુધી થાય છે. આ પ્લાન્સ સબ્સ્ક્રાઇબર્સને અમર્યાદિત ટોકટાઇમ લાભો ઉપરાંત ડેટા રોલઓવર સુવિધા અને ફેમિલી add-on SIM સિમ સુવિધા પણ પૂરી પાડે છે. જોકે, TRAIની વેબસાઇટ પરથી એ વાત સામે આવી છે કે, આ પોસ્ટપેડ યોજનાઓનું સબ્સ્ક્રાઇબ કરનારા જિઓ યૂઝર્સને સુરક્ષા ડિપોઝિટ પણ જમા કરાવવી પડશે. સિક્યુરિટી ડિપોઝિટની જેમ યુઝર્સે 500 રૂપિયાથી લઈને 1800 રૂપિયા જમા કરાવવાના રહેશે.

પાંચ પોસ્ટપેઈડ પ્લસ પ્લાન્સ
રિલાયન્સ જિયો ગત મહિને પાંચ પોસ્ટપેડ પ્લસ પ્લાન્સ લાવ્યા છે. જેમાં ઇન-ફ્લાઇટ કનેક્ટિવિટી પેક્સ અને આંતરરાષ્ટ્રીય રોમિંગ ઓપ્શન્સ વિકલ્પોનો સમાવેશ થાય છે. ટ્રાઇ વેબસાઇટ પર નવા નિયમનકારી ફાઇલિંગમાં જણાવાયું છે કે Jio પોસ્ટપેડ પ્લસ સદસ્યતા લેનારા વપરાશકર્તાઓએ સુરક્ષા થાપણ તરીકે નિયત રકમ જમા કરવાની રહેશે. જોકે, રિલાયન્સ જિઓની વેબસાઇટ પર આવી કોઈ સિક્યોરિટી ડિપોઝિટ હોવાનો ઉલ્લેખ નથી અને TRAIની સાઇટ પર નાના અક્ષરોમાં આ વિશે લખાયેલું છે.

ક્યા પ્લાન પર કેટલી સિક્યોરિટી?
જાહેર થયેલી વિગતો અનુસાર 399 રૂપિયાના પોસ્ટપેડ પ્લાનના ગ્રાહકોને રૂ. 500ની સિક્યોરિટી, 599 રુપિયાનો પ્લાન લેનાર યૂઝર્સને રૂ.750 સિક્યુરિટી, 799 રુપિયાનો પોસ્ટપેડ પ્લાન લેવા પર 1000 રુપિયા સિક્યુરિટી અને રૂ. 999 રુપિયાના પોસ્ટપેડ પ્લાન માટે અને 1200 રૂપિયા સિક્યોરિટી જમા કરવી પડશે.રૂપિયા 1,499નો સૌથી પ્રીમિયમ પ્લાન રહેશે. તેમને સિક્યુરિટી ડિપોઝિટ તરીકે મહત્તમ 1800 રૂપિયા ચૂકવવા પડશે. તે સ્પષ્ટ છે કે આ પ્લાન્સ સાથે જમા થનારી સિક્યોરિટીનું યૂઝર્સને મળી રહેલા લાભથી કોઈ જ લેવા-દેવા નથી.

અનેક પ્લેટફોર્મ્સનું ફ્રી સબ્સક્રિપ્શન
વોઈસ કોલ્સ અને ડેટા બેનિફિટ્સ ઉપરાંત જિયો પોસ્ટપેઈડ પ્લસ યૂઝર્સને અઢળક OTT પ્લેટફોર્મ્સ જેવા કે, Netflix, Amazon Prime Video અને Disney+ Hotstar VIPનું સબ્સ્ક્રિપ્શન પણ મળશે. આ ઉપરાંત જિયો પોસ્ટપેડ પ્લસ સબ્સક્રાઈબર પોતાના ફેમિલી મેમ્બર્સને 250 રુપિયા એક્સ્ટ્રા આપી શકે છે. કંપનીનું સૌથી પ્રીમિયમ પ્લાન 1499 રુપિયામાં 300GB ડેટા, 500GB ડેટા રોલઓવર, અનલિમિટેડ વોઈસ અને બાકીના લાભ આપે છે.