નવી દિલ્હીઃ ભારતના સૌથી ધનિક વ્યક્તિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણી હવે દુનિયાના સાતમાં નંબરના ધનિક વ્યક્તિ બની ગયા છે. તેમણે બર્કશાયર હૈથવેના વૉરેન બફેટ, ગૂગલ કે લેરી પેજ, અને સેર્જ બ્રિનને પાછળ છોડી દીધા છે. વિશ્વના ટોપ 10 ધનિકોની લિસ્ટમાં એશિયાના એકમાત્ર મુકેશ અંબાણીનો સમાવેશ થયો છે. ફોર્બ્સના મતે, તેમની કુલ સંપતિ 69.9 અબજ ડોલર સુધી પહોંચી ગઈ છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
20 દિવસમં સંપતિમાં 5.4 અબજ ડોલરનો વધારો
આ પહેલા 20 જૂનના રોજ મુકેશ અંબાણી ફોર્બ્સના લિસ્ટમાં નવમાં નંબરે હતા. તે સમયે તેમની કુલ સંપતિ 64.5 અબજ ડોલર હતી. તે મુજબ છેલ્લા 20 દિવસમાં તેમની સંપતિમાં 5.4 અબજ ડોલરનો વધારો થયો છે. રિલાયન્સ ઈન્ડસ્ટ્રીઝનું માર્કેટ કેપ હાલમાં જ 12 લાખ કરોડને પાર કરી ગયું હતું. આ ભારતની પહેલી કંપની છે જેનું માર્કેટ કેપ 12 લાખ કરોડને પાર પહોંચ્યું છે.
કંપનીના શેરના ભાવને આધારે સંપતિની ગણતરીફોર્બ્સ રિયલ ટાઈમ બિલિનેયર રેન્કિંગમાં સંપતિની ગણતરી શેરની કિંમતોને આધારે કરવામાં આવે છે. જે દર પાંચ મિનિટે અપડેટ થાય છે. રિલાયન્સ ઈન્ડસ્ટ્રીઝમાં અંબાણીના શેર 42 ટકા છે. આજે તેમના શેરમાં અંદાજીત 3 ટકાનો વધારો જોવા મળ્યો. તેમના શેર 52 સપ્તાહના હાઈ પર ટ્રેડ થઈ રહ્યો છે. આજે શેર 1878.50 રૂપિયે બંધ થયો. જ્યારે 52 સપ્તાનો હાઈ 1884.40 રૂપિયા છે.