એકથી દોઢ મહિનામાં કમાણી કરવી છે? ટાટા મોટર્સ સહિત આ 5 સ્ટોક્સ પર બાજી લગાવો

Share Market News: ભારતીય ઈક્વિટી માર્કેટમાં ધીમી પણ મક્કમ ગતિએ આગેકૂચ જારી છે. બજારમાં કેટલાક પોઝિટિવ ન્યૂઝ આવ્યા છે જેથી યુએસમાં વ્યાજદર વધતા હોવા છતાં બજાર પણ વધ્યું છે. એનાલિસ્ટ્સ અહીં એવા કેટલાક શેર વિશે જણાવે છે જેમાં દોઢથી બે મહિનાના ગાળામાં કમાણી થઈ શકે છે. અહીં આવા પાંચ શેર વિશે જાણકારી અપાઈ છે જેમાં ટાટા મોટર્સ પણ સામેલ છે.

ન્યૂ ઈન્ડિયા એસ્યોરન્સ કંપની (New India Assurance Company)
આ શેરને એન્જલ વન દ્વારા બાય રેટિંગ અપાયું છે અને ટાર્ગેટ ભાવ રૂ. 106 છે. આ શેર માટે 88.60નો સ્ટોપ લોસ રાખી શકાય. છેલ્લા ઘણા સમયથી આ શેર રડાર પર છે. શુક્રવારે તેના વોલ્યુમમાં તેજી આવી હતી જેના કારણે એવરેજ કરતા વધારે વોલ્યુમ જોવા મળ્યું છે. આ દરમિયાન શેરમાં લગભગ સાત ટકા વધારો થયો છે. તમામ ટેકનિકલ પેરામીટર્સ આ શેર માટે તેજીનો સંકેત આપે છે.

સ્ટીલ ઓથોરિટી ઓફ ઈન્ડિયા લિમિટેડ (SAIL)
આ શેરને પણ બાય રેટિંગ અપાયું છે અને ટાર્ગેટ ભાવ રૂ. 90 છે. આ શેર માટે 81નો સ્ટોપલોસ રાખી શકાય. મેટલ સેક્ટરમાં અત્યારે મોટી હિલચાલ ચાલે છે જેમાં સેઈલને ફાયદો થયો છે. મેટલ ઈન્ડેક્સ હાલમાં સાત મહિનાની ટોચ પર ટ્રેડ થાય છે ત્યારે અમને લાગે છે કે મેટલ કાઉન્ટરમાં મોમેન્ટમ જળવાશે. ડેઈલી ટાઈમ ફ્રેમ ચાર્ટમાં આ શેર બ્રેકઆઉટ દર્શાવે છે.

પીવીઆર (PVR)
આ શેરને 1950ના ટાર્ગેટ સાથે ખરીદવાની સલાહ આપવામાં આવે છે. પીવીઆર માટે સ્ટોપલોસ રૂ. 1760 રાખી શકાય. તાજેતરમાં આ શેરને 1630 નજીક સપોર્ટ મળ્યો હતો. ત્યાર પછી છેલ્લા કેટલાક સપ્તાહમાં આ સ્ટોક વધ્યો છે અને વધુ ઉંચી બોટમ બનાવી છે. 14 દિવસનો આરએસઆઈ પણ રાઈઝિંગ મોડમાં છે અને ઓવરબોટ નથી.

ટાટા મોટર્સ (Tata Motors)
ટાટા મોટર્સના શેરને બાય રેટિંગ અપાયું છે અને ટાર્ગેટ ભાવ રૂ. 455 આપવામાં આવે છે. આ શેર માટે સ્ટોપ લોસ રૂ. 410 રાખી શકાય. ઉંચા લેવલ પરથી તીવ્ર ઘટાડો થયા પછી આ કાઉન્ટર મલ્ટિપલ સપોર્ટ ઝોનમાંથી રિબાઉન્ડ થયું છે. લોઅર લેવલ પરથી આ કાઉન્ટરમાં સ્થિર રિકવરી આવી છે. ડેઈલી ચાર્ટ પર ટાટા મોટર્સના શેરે રાઇઝિંગ ચેનલ પેટર્ન બનાવી છે.

જિંદાલ સ્ટીલ એન્ડ પાવર (Jindal Steel and Power)જિંદાલ સ્ટીલના શેરને 510 રૂપિયાના ટાર્ગેટ સાથે બાય રેટિંગ અપાયું છે. આ શેર માટે સ્ટોપલોસ રૂ. 460 રાખી શકાય. ડેઈલી અને વીકલી સ્કેલ પર આ કાઉન્ટર રાઇઝિંગ ચેનલ ચાર્ટ સ્ટ્રક્ચર બનાવે છે.