ટાટા મોટર્સ, HDFC બેંક સહિત 6 સ્ટોક્સ પર નજર રાખજોઃ શોર્ટ ટર્મમાં જ કમાણી કરાવશે

Stock Investment Tips: ડોમેસ્ટિક ઇક્વિટી માર્કેટમાં સ્માર્ટ રિકવરી જોવા મળી છે ત્યારે બજારમાં ટૂંકા ગાળામાં કમાણી કરાવી શકે તેવા સ્ટોક્સને ઓળખવા જરૂરી છે. ખાસ કરીને બેન્કિંગ અને ફાઈનાન્શિયલ કાઉન્ટર્સમાં સારી એવી ખરીદી થઈ છે. માર્કેટમાં હજુ ભલે વોલેટિલિટી છે, છતાં પસંદગીના શેરોમાં ઝડપથી નફો કમાઈ શકાય તેમ છે. એનાલિસ્ટ્સની ભલામણોના આધારે અહીં એવા સાત સ્ટોક્સ વિશે જણાવ્યું છે જેમાં તગડી કમાણી કરી શકાય છે. આ લિસ્ટમાં રેલિસ ઈન્ડિયા (Rallis India)નું નામ સૌથી ઉપર છે. આ શેરને બાય રેટિંગ અપાયું છે અને ટાર્ગેટ ભાવ 250થી 262 રૂપિયા આપવામાં આવે છે. રેલિસ ઈન્ડિયા માટે સ્ટોપલોસ રૂ. 228 રાખવો. છેલ્લા એક મહિનામાં આ શેર એક રેન્જમાં કોન્સોલિડેટ થયો છે. આ એક કામચલાઉ કરેક્શન છે અને હવે તેનો ભાવ બ્રેકઆઉટ થયો છે.

આ ઉપરાંત ટાટા કન્ઝ્યુમર પ્રોડક્ટ્સ (Tata Consumer Products)ના શેરને પણ બાય રેટિંગ આપવામાં આવ્યું છે અને તેનો ટાર્ગેટ ભાવ રૂ. 890થી 929 છે. આ શેર માટે સ્ટોપલોસ રૂ. 810 રાખવાની ભલામણ છે. એસેન્ડિંગ ટ્રાયેન્ગલ પેટર્નમાંથી આ શેરમાં બ્રેકઆઉટ આવ્યો છે. તેની સાથે સ્ટોકમાં વોલ્યુમ પણ વધ્યું છે અને જે બુલિશ મોમેન્ટમ દર્શાવે છે.

ટાટા ગ્રૂપની ઓટોમોબાઈલ કંપની Tata Motorsના શેર માટે 510 રૂપિયાનો ટાર્ગેટ ભાવ અપાયો છે જ્યારે સ્ટોપલોસ રૂ. 435 રાખવાની સલાહ છે. શોર્ટ કરેક્શન પછી આ શેર 440ના લેવલની નજીક બોટમ આઉટ થયો છે અને તેમાં એક પુલબેક જોવા મળે છે. આગામી દિવસોમાં શેર હાલના સ્તરેથી ઝડપથી વધે તેવી શક્યતા છે.
લાર્જકેપ બેન્કિંગ કંપની HDFC Bankના સ્ટોક માટે 1655 રૂપિયાનો ટાર્ગેટ ભાવ આપવામાં આવ્યો છે અને સ્ટોપલોસ રૂ. 1465 છે. આ શેર તેની 1515ની રેઝિસ્ટન્સ સપાટીને પાર કરી ગયો છે. તેથી આગામી દિવસોમાં શેરમાં વધારે ઉછાળાની શક્યતા છે.

આ ઉપરાંત લક્સ ઈન્ડસ્ટ્રીઝ (Lux Industries)નો શેર પણ ખરીદવાની સલાહ આપવામાં આવે છે અને તેના માટે ટાર્ગેટ ભાવ રૂ. 2150 છે. લક્સ ઈન્ડસ્ટ્રીઝના શેર માટે સ્ટોપલોસ રૂ. 1750 રાખી શકાય. એક સમયે આ શેર 4644 પર જઈ આવ્યા પછી તેમાં કરેક્શન આવ્યું હતું અને રૂ. 1690ના તળિયાને પણ સ્પર્શ કરી ગયો હતો. આ ઉપરાંત ખરીદવા જેવા શેરોમાં એલ એન્ડ ટી ફાઈનાન્સ હોલ્ડિંગ્સની ભલામણ કરવામાં આવે છે. આ શેરને બાય રેટિંગ આપવામાં આવ્યું છે અને ટાર્ગેટ ભાવ રૂ. 93થી 104 છે. એલ એન્ડ ટી હોલ્ડિંગ્સ માટે સ્ટોપલોસ રૂ. 77.50 રાખવાની ભલામણ છે. છેલ્લા કેટલાક મહિનાથી આ શેર સસ્ટેનેબલ અપમુવમેન્ટમાં છે.