તહેવારોની સિઝનમાં આ 6 સ્ટોક્સ પર દાવ લગાવોઃ જબ્બરજસ્ત કમાણી થવાની શક્યતા

Stock Investment Tips: ભારતમાં તહેવારોની સિઝન શરૂ થઈ ગઈ છે અને તે ડિસેમ્બરના અંતમાં ક્રિસમસ સુધી ચાલશે. તહેવારોની સિઝનમાં શેરબજાર મોટા ભાગે પોઝિટિવ હોય છે અને અત્યારે પણ એ વાતના પૂરાવા મળે છે. શેરમાર્કેટના એક્સપર્ટ અને મોતીલાલ ઓસવાલના રિસર્ચ હેડ સિદ્ધાર્થ ખેમકા અત્યારે પસંદગીના સ્ટોક્સ ખરીદવાની સલાહ આપે છે. તેમણે હાલમાં ખરીદી શકાય તેવા છ સ્ટોક્સ વિશે જણાવ્યું છે જે રોકાણકારોને તગડી કમાણી કરાવી શકે છે. એક મુલાકાતમાં તેમણે કહ્યું કે તહેવારોની સિઝનની બહુ મજબૂત શરૂઆત થઈ છે. મેનેજમેન્ટની વાતો પરથી લાગે છે કે આ વખતે માંગમાં વેગ આવશે. અત્યારે અમે રિટેલ સેક્ટર, ફૂડ અને હોટેલમાં ખરીદી કરવાની સલાહ આપીએ છીએ. હાલમાં કયા શેર ખરીદવા જોઈએ તે વિશે તેમણે કહ્યું કે અમે Trent અને આદિત્ય બિરલા ફેશન (ABFRL) માટે પોઝિટિવ છીએ.
Ambuja Cement Share Price:સિમેન્ટ સેક્ટરમાં પણ અંબાણી બનશે નંબર વનઃ અંબુજા સિમેન્ટનો શેર રેકોર્ડ લેવલે પહોંચ્યો
આ ઉપરાંત તહેવારોની સિઝનમાં ક્વિક સર્વિસ રેસ્ટોરન્ટ (QSR)ના બિઝનેસમાં પણ અભૂતપૂર્વ તેજી જોવા મળે છે. હાલમાં ક્યુએસઆર કંપનીઓની વાત કરીએ તો જુબિલન્ટ ફૂડવર્ક્સ (Jubilant Foodworks), દેવયાની ઈન્ટરનેશનલ (Devyani International) ખરીદવા જેવા સ્ટોક છે. જ્યારે હોટેલ ઉદ્યોગમાં ઈન્ડિયન હોટેલ્સ (Indian Hotels) અને લેમન ટ્રી (Lemon Tree) ના શેર ખરીદી શકાય.

આ એવા સેગમેન્ટના શેર છે જેમાં આઠથી દશ વર્ષ પછી સાઈકલ શરૂ થઈ છે. ઉદ્યોગમાં કોન્સોલિડેશન હોવાના કારણે ડિમાન્ડમાં પણ વધારો થયો છે. સપ્લાયને લગતી ચિંતા છે પણ ડિમાન્ડમાં સુધારો થયો છે.
Crude Oil : આફતમાં અવસર, ભારતે રશિયા પાસેથી સસ્તું ક્રૂડ ઓઈલ ખરીદી 35,000 કરોડની કમાણી કરી
બ્રહ્માસ્ત્રની સફળતા પછી મલ્ટિપ્લેક્સ ઉદ્યોગ વિશે તમે શું કહો છો? અજય દેવગણ પોતાની મલ્ટિપ્લેક્સ લાઈન શરૂ કરે છે ત્યારે મલ્ટિપ્લેક્સ કંપનીઓના શેર ખરીદવા જોઈએ?

કન્ઝમ્પશનની થીમમાં મલ્ટિપ્લેક્સ (Multiplex Stocks) ફીટ થાય છે પરંતુ કેટલાક શેર એટલા બધા વધી ગયા છે કે તે હવે ક્યાં જશે તે કહેવું મુશ્કેલ છે. મલ્ટિપ્લેક્સ ઉદ્યોગ સામે ઓટીટીનો પડકાર પેદા થયો છે અને બોલીવૂડની ફિલ્મોનો બોયકોટ કરવાની વાતો થાય છે. તેના કારણે કંપનીઓના કલેક્શન પર અસર થઈ શકે છે. હાલમાં મલ્ટિપ્લેક્સ કંપનીઓના શેર અંગે સાવધ રહેવાની જરૂર છે. જો મોટું કરેક્શન આવે તો મલ્ટિપ્લેક્સ કંપનીઓમાં ચોક્કસ રોકાણ કરી શકાય.
Expert's View: અદાણીના સ્ટોક્સમાં ભારે કમાણી કરી હોય તો હવે સ્ટ્રેટેજી બદલીને વધુ નફો કમાવ
આ ઉદ્યોગમાં હવે કોન્સોલિડેશન આવવાનું છે જેમાં પીવીઆર અને Inoxનું મર્જર થઈ રહ્યું છે. હવે માત્ર એપ્રૂવલ મળે તેની રાહ જોવાય છે. તેથી આ સેક્ટરમાં નવા હરીફો આવી શકે છે. લાંબા ગાળા માટે રોકાણ કરવું હોય તો આ કંપનીઓનો ચોક્કસ વિચાર કરી શકાય.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.