2023માં આ 7 મિડકેપ શેરમાં રોકાણ કરોઃ 40થી 80 ટકા સુધી કમાણી થવાની શક્યતા

બે દિવસ પછી નવા વર્ષની શરૂઆત થવાની છે ત્યારે રોકાણકારોએ આગામી વર્ષમાં તગડી કમાણી કરાવી શકે તેવા શેર શોધવા જોઈએ. એક્સપર્ટ્સે કેટલાક મિડકેપ શેરોની ભલામણ કરી છે જેમાં આગામી એક વર્ષમાં 40 ટકાથી લઈને 80 ટકા સુધી વળતર મળી શકે છે. આ તમામ કંપનીઓ મજબૂત ઓર્ડરબૂક અને મજબૂત ફંડામેન્ટલ્સ ધરાવે છે. 2022માં મિડકેપ શેરોની વાત કરવામાં આવે તો આ ઈન્ડેક્સમાં બહુ મોટો ફેરફાર નથી થયો. પરંતુ મોટી સંખ્યામાં મિડકેપ સ્ટોક્સ એક વર્ષ અગાઉની સપાટીથી નીચે ચાલે છે. તેથી અહીં ઈન્ડેક્સના બદલે વ્યક્તિગત શેરોની વાત કરવામાં આવી છે જેમાં ભારે કમાણી થઈ શકે છે.

અત્યારે ખરીદવા જેવા શેરોની વાત કરવામાં આવે તો આ લિસ્ટમાં સૌથી ઉપર જુબિલન્ટ ઇન્ગ્રેવિયા (Jubilant Ingrevia)નો શેર સામેલ છે. આ શેરને સ્ટ્રોન્ગ બાય રેટિંગ આપવામાં આવે છે. આગામી વર્ષમાં આ શેર 80 ટકા વધે તેવી શક્યતા છે. આજે આ શેરનો ભાવ રૂ. 528 ચાલે છે.

આ ઉપરાંત કેમપ્લાસ્ટ સેન્મર (Chemplast Sanmar)ના શેરને પણ સ્ટ્રોન્ગ બાય રેટિંગ અપાયું છે. બે એનાલિસ્ટે આ શેરને ખરીદવા સલાહ આપી છે. કેમપ્લાસ્ટ સેન્મરના શેરમાં એક વર્ષમાં 71 ટકા રિટર્ન મળી શકે છે. આજે આ શેર 453.35 પર ચાલે છે.

BASF Indiaના શેરને પણ ખરીદવા ભલામણ કરવામાં આવી છે. એક એનાલિસ્ટ આ શેર માટે પોઝિટિવ છે અને તેમાં 62 ટકા સુધી વળતર મળશે તેવી આગાહી કરવામાં આવે છે. આ લખાય છે ત્યારે આ શેર 2746.65 પર ચાલે છે.

તેવી જ રીતે ખરીદવા જેવા મિડકેપ્સમાં GHCLના શેરનો સમાવેશ થાય છે. આ શેર અહીંથી 60 ટકા વધી શકે છે. આજે આ શેર 506.95 પર ચાલે છે. KPR Millના શેર માટે સાત એનાલિસ્ટે સ્ટ્રોન્ગ બાય રેટિંગ આપ્યું છે. કેપીઆર મિલનો શેર એક વર્ષમાં 50 ટકા વધે તેવી સંભાવના જોવામાં આવે છે. હાલમાં આ શેર 505.35 પર ચાલે છે.

Eclerx Servicesના શેરને નવ એનાલિસ્ટે ખરીદવા માટે સલાહ આપી છે. હાલના ભાવેથી આ શેરમાં 41 ટકા વધારો થાય તેવી શક્યતા છે. આ કંપની 6663 કરોડની માર્કેટ કેપિટલ ધરાવે છે. આ લખાય છે ત્યારે આ શેર 1275.45 પર ચાલે છે.

સાતમો ખરીદવા જેવો શેર GE Shipping છે જેમાં એક વર્ષમાં રોકાણકારોને 60 ટકા નફો મળી શકે છે. આ કંપની 9730 કરોડની માર્કેટ કેપિટલ ધરાવે છે. આ લખાય છે ત્યારે બીએસઈ પર જીઈ શિપિંગનો શેર 656.85 પર ચાલતો હતો.

આ ઉપરાંત મોતીલાલ ઓસવાલના શેરમાં એક વર્ષમાં 38 ટકા અને પીએનસી ઈન્ફ્રાટેકના શેરમાં એક વર્ષમાં 35 ટકા રિટર્ન મળે તેવી શક્યતા છે.