અદાણીએ આ સિમેન્ટ કંપની ખરીદ્યા પછી શેરમાં તેજી ભભૂકશેઃ ખરીદવામાં મોડું ન કરો

ACC cement Analysis: સિમેન્ટ સેક્ટરની ટોચની કંપનીઓમાં ACCનો સમાવેશ થાય છે અને હાલમાં આ શેર Gautam Adaniના અદાણી ગ્રૂપની ડીલના કારણે ચર્ચામાં છે. અદાણી ગ્રૂપે (Adani Group) ભારતમાં હોલ્સિમનો સિમેન્ટ બિઝનેસ ખરીદ્યો તેમાં ACCનો પણ સમાવેશ થાય છે. એક્સિસ સિક્યોરિટીઝે ACCના શેર માટે બાય રેટિંગ આપ્યું છે અને છ મહિનામાં આ શેર 3050 થવાની આગાહી કરી છે. હાલમાં ACCના શેરનો ભાવ રૂ. 2628 ચાલે છે. એટલે કે આગામી છ મહિનામાં શેરમાં 14 ટકા જેટલો ઉછાળો આવી શકે છે. 30 જૂને સમાપ્ત થયેલા ક્વાર્ટરમાં કંપનીએ રૂ. 4522 કરોડની સંગઠીત કુલ આવક નોંધાવી હતી. શુક્રવારે એસીસી સિમેન્ટનો શેર 4.36 ટકા ઘટીને 2628 પર બંધ રહ્યો હતો. છેલ્લા એક મહિનામાં આ સ્ટોક 12 ટકા વધ્યો છે જ્યારે છ મહિનાની અંદર સ્ટોકમાં 27 ટકાથી વધારે ઉછાળો આવ્યો છે.

ગયા ક્વાર્ટરની સરખામણીમાં ACCની આવકમાં 0.83 ટકાનો વધારો થયો છે. એસીસીમાં હવે જંગી મૂડીરોકાણની શક્યતા છે જેના કારણે છ મહિનામાં સ્ટોક ભારે વળતર આપી શકે છે. એસીસીની મુખ્ય પ્રોડક્ટ અને રેવન્યુ સેગમેન્ટમાં સિમેન્ટ, રેડી મિક્સ કોન્ક્રીટ અને ઓપરેટિંગ રેવન્યુનો સમાવેશ થાય છે. લેટેસ્ટ ક્વાર્ટરમાં એસીસીએ રૂ. 223 કરોડનો ટેક્સ બાદ નફો નોંધાવ્યો હતો. ACC સિમેન્ટમાં તેના પ્રમોટર્સ 54.53 ટકા હિસ્સો ધરાવે છે જ્યારે FII પાસે 22.63 ટકા હિસ્સો અને DII પાસે 10.15 ટકા હિસ્સો છે.

કરણ અદાણીને ચેરમેનપદ સોંપાયું
અદાણી ગ્રૂપના વડા ગૌતમ અદાણી (Gautam Adani)ના જ્યેષ્ઠ પુત્ર કરણ અદાણી (Karan Adani)ને તાજેતરમાં એસીસીના ચેરમેન બનાવવામાં આવ્યા છે. આ કંપનીમાં હવે 2.5 અબજ ડોલરનું રોકાણ કરવામાં આવશે. હોલ્સિમ પાસેથી એસીસી ખરીદવાની પ્રક્રિયા પૂરી થઈ છે. આ એક્વિઝિશનના કારણે અદાણી અલ્ટ્રાટેક સિમેન્ટ પછી ભારતમાં બીજા ક્રમની સૌથી મોટી સિમેન્ટ કંપની બની છે અને તેની ઉત્પાદન ક્ષમતા 70 લાખ ટનની છે. સ્વીસ મટિરિયલ કંપની હોલ્સિમે અંબુજા સિમેન્ટમાં પોતાનો સમગ્ર હિસ્સો અદાણી જૂથને 6.4 અબજ ડોલરમાં વેચ્યો છે. આ ડીલ લગભગ 10.5 અબજ ડોલરની હોવાનું આંકવામાં આવે છે જેમાં 31,000 કરોડની ઓપન ઓફર સામેલ છે. ઓપન ઓફરને નબળો પ્રતિસાદ મળ્યો છે. અદાણી જૂથ એસીસી લિમિટેડના ટાર્ગેટેડ શેરમાંથી માત્ર 8.28 ટકાની ખરીદી કરી શકી છે, જ્યારે અંબુજા સિમેન્ટમાં તેને માત્ર 1.35 ટકા શેર મળ્યા છે.