SVB Scam News: અમેરિકન શોર્ટ સેલર હિન્ડનબર્ગે (Hindenburg) ભારતીય ઔદ્યોગિક જૂથ અદાણી જૂથ (Adani Group) સામે આક્ષેપો કરીને અદાણીની અને રોકાણકારોની ઉંઘ હરામ કરી દીધી છે, પરંતુ હિન્ડનબર્ગના રિસર્ચમાં એટલો બધો દમ હોય તો અમેરિકાની સિલિકોન વેલી બેન્ક (SVB)એ તાજેતરમાં દેવાળું ફૂંક્યું ત્યાં સુધી તેને ખબર કેમ ન પડી? છેક અમેરિકામાં બેઠા બેઠા ભારતીય કંપનીમાંથી સેંકડો વાંધા કાઢનારા હિન્ડનબર્ગની ટીમને SVBના ગોટાળા વિશે કેમ ખબર ન હતી આવા સવાલ લોકો કરી રહ્યા છે અને હિન્ડનબર્ગની દાન દાનત શંકાના દાયરામાં મુકાઈ છે. હિન્ડનબર્ગે અદાણી જૂથને કોર્પોરેટ જગતમાં સૌથી મોટું ગોટાળાબાજ ગણાવ્યું હતું, પરંતુ અમેરિકાની બેન્ક ડુબી ગઈ ત્યાં સુધી તેને ઘરઆંગણે ગોટાળાની ખબર કેમ ન પડી?
ભારતમાં અદાણી જૂથની 10 લિસ્ટેડ કંપનીઓ છે અને અદાણી પર જંગી દેવું છે તે વાત પહેલેથી જાણીતી હતી. અદાણી તેના દેવાની નિયમિત ચુકવણી કરે છે તે વાત પણ કોઈથી છુપી ન હતી. છતાં હિન્ડનબર્ગે એવી રીતે રિપોર્ટ છાપ્યો જાણે અદાણી જૂથ આવતીકાલે જ પડી જવાનું હોય. બીજી તરફ કેલિફોર્નિયા સ્થિત સિલિકોન વેલી (એસવીબી) ઓચિંતી બંધ કરી દેવામાં આવી અને લોકોના નાણાં ફસાઈ ગયા ત્યારે સૌને ખબર પડી. સિલિકોન વેલી બેન્કે તેના 21 અબજ ડોલરના બોન્ડ હોલ્ડિંગના વેચાણ પર 1.8 અબજ ડોલરની ખોટ સહન કરવી પડી છે. આ બેન્ક જાણીતા સ્ટાર્ટ-અપ્સને ધિરાણ કરે છે અને હવે આ સ્ટાર્ટ અપ્સનું અસ્તિત્વ પણ જોખમમાં છે.
ફોર્બ્સે SVBના ખુબ વખાણ કર્યા હતા
કેલિફોર્નિયાની જે બેન્ક SVBનો અચાનક ધબડકો થયો છે તેને ફોર્બ્સના વાર્ષિક રેન્કિંગમાં સળંગ પાંચ વર્ષથી અમેરિકાની સૌથી બેસ્ટ બેન્કોમાં સ્થાન અપાતું હતું. ફોર્બ્સ જે બેન્કના વખાણ કરતા થાકતી ન હતી તે અચાનક ફડચામાં ગઈ તેના કારણે ફોર્બ્સના રેન્કિંગ પર પણ સવાલ ઉઠે છે. આ બેન્કની હાલત એવી થઈ છે કે ડિપોઝિટરો પોતાની પૂરેપૂરી મૂડી પણ ઉઠાવી શકતા નથી.
અદાણીને સૌથી મોટા ગોટાળાબાજ કહ્યા હતા
હિન્ડનબર્ગ રિસર્ચની અત્યારે એટલા માટે ટીકા થઈ રહી છે કારણ કે તેમણે ગૌતમ અદાણીને કોર્પોરેટ ઈતિહાસના સૌથી મોટા ગોટાળાબાજ કહ્યા હતા અને અદાણી જૂથની કામગીરી સામે સવાલો ઉઠાવ્યા હતા. સોશિયલ મીડિયા પર એવી પણ ટિપ્પણી થઈ રહી છે કે શું હિન્ડનબર્ગ અને તેના જેવી બીજી એજન્સીઓ દ્વારા ભારતીય ઉદ્યોગપતિઓની પ્રગતિ જોઈ શકાતી નથી?
હિન્ડનબર્ગ પાસે કંપનીઓની નબળાઈ જાણીને તેમાં શોર્ટ સેલિંગ કરવાની આવડત હોય તો સિલિકોન વેલી બેન્કના કૌભાંડ વખતે તેની આ આવડત ક્યાં ખોવાઈ ગઈ હતી અને માત્ર અદાણીના કેસમાં જ કેમ હિન્ડનબર્ગે આરોપ કર્યા હતા. વાસ્તવમાં હિન્ડનબર્ગે જ સદીનું સૌથી મોટું ચિટિંગ કર્યું છે તેવી ટિપ્પણી સોશિયલ મીડિયા પર કરવામાં આવી છે.
ભારતમાં અદાણી જૂથની 10 લિસ્ટેડ કંપનીઓ છે અને અદાણી પર જંગી દેવું છે તે વાત પહેલેથી જાણીતી હતી. અદાણી તેના દેવાની નિયમિત ચુકવણી કરે છે તે વાત પણ કોઈથી છુપી ન હતી. છતાં હિન્ડનબર્ગે એવી રીતે રિપોર્ટ છાપ્યો જાણે અદાણી જૂથ આવતીકાલે જ પડી જવાનું હોય. બીજી તરફ કેલિફોર્નિયા સ્થિત સિલિકોન વેલી (એસવીબી) ઓચિંતી બંધ કરી દેવામાં આવી અને લોકોના નાણાં ફસાઈ ગયા ત્યારે સૌને ખબર પડી. સિલિકોન વેલી બેન્કે તેના 21 અબજ ડોલરના બોન્ડ હોલ્ડિંગના વેચાણ પર 1.8 અબજ ડોલરની ખોટ સહન કરવી પડી છે. આ બેન્ક જાણીતા સ્ટાર્ટ-અપ્સને ધિરાણ કરે છે અને હવે આ સ્ટાર્ટ અપ્સનું અસ્તિત્વ પણ જોખમમાં છે.
ફોર્બ્સે SVBના ખુબ વખાણ કર્યા હતા
કેલિફોર્નિયાની જે બેન્ક SVBનો અચાનક ધબડકો થયો છે તેને ફોર્બ્સના વાર્ષિક રેન્કિંગમાં સળંગ પાંચ વર્ષથી અમેરિકાની સૌથી બેસ્ટ બેન્કોમાં સ્થાન અપાતું હતું. ફોર્બ્સ જે બેન્કના વખાણ કરતા થાકતી ન હતી તે અચાનક ફડચામાં ગઈ તેના કારણે ફોર્બ્સના રેન્કિંગ પર પણ સવાલ ઉઠે છે. આ બેન્કની હાલત એવી થઈ છે કે ડિપોઝિટરો પોતાની પૂરેપૂરી મૂડી પણ ઉઠાવી શકતા નથી.
અદાણીને સૌથી મોટા ગોટાળાબાજ કહ્યા હતા
હિન્ડનબર્ગ રિસર્ચની અત્યારે એટલા માટે ટીકા થઈ રહી છે કારણ કે તેમણે ગૌતમ અદાણીને કોર્પોરેટ ઈતિહાસના સૌથી મોટા ગોટાળાબાજ કહ્યા હતા અને અદાણી જૂથની કામગીરી સામે સવાલો ઉઠાવ્યા હતા. સોશિયલ મીડિયા પર એવી પણ ટિપ્પણી થઈ રહી છે કે શું હિન્ડનબર્ગ અને તેના જેવી બીજી એજન્સીઓ દ્વારા ભારતીય ઉદ્યોગપતિઓની પ્રગતિ જોઈ શકાતી નથી?
હિન્ડનબર્ગ પાસે કંપનીઓની નબળાઈ જાણીને તેમાં શોર્ટ સેલિંગ કરવાની આવડત હોય તો સિલિકોન વેલી બેન્કના કૌભાંડ વખતે તેની આ આવડત ક્યાં ખોવાઈ ગઈ હતી અને માત્ર અદાણીના કેસમાં જ કેમ હિન્ડનબર્ગે આરોપ કર્યા હતા. વાસ્તવમાં હિન્ડનબર્ગે જ સદીનું સૌથી મોટું ચિટિંગ કર્યું છે તેવી ટિપ્પણી સોશિયલ મીડિયા પર કરવામાં આવી છે.