Cement Stocks to Invest: બજારના સેન્ટીમેન્ટ અને કંપનીના ફંડામેન્ટલને ધ્યાનમાં રાખીને હંમેશા ક્વોલિટી શેર ખરીદતા રહો અને પોર્ટફોલિયોને મજબૂત બનાવતા રહો તેમ એક્સપર્ટ જણાવે છે. અત્યારે રિસ્ક રિવોર્ડને ધ્યાનમાં રાખીને સ્ટોક ખરીદો. તાજેતરમાં બજારમાં મોટો ઉછાળો આવ્યો છે તેથી હવે થોડું કરેક્શન પણ આવી શકે છે. અત્યારે સિમેન્ટ સ્ટોકમાં રસ વધ્યો છે.
Authored byઅજિત ગઢવી | ETMarkets.com2 Dec 2022, 12:59 pm
Cement Stocks to Invest: શેરબજારમાં ક્વોલિટી શેરો ખરીદવાની તક હંમેશા રહે છે. બજારના સેન્ટીમેન્ટ અને કંપનીના ફંડામેન્ટલને ધ્યાનમાં રાખીને હંમેશા ક્વોલિટી શેર ખરીદતા રહો અને પોર્ટફોલિયોને મજબૂત બનાવતા રહો તેમ એક્સપર્ટ જણાવે છે. આ વિશે અમે જે એમ ફાઈનાન્શિયલ સર્વિસિસના રિસર્ચ હેડ રાહુલ શર્મા સાથે વાત કરી તેમનો મત જાણ્યો હતો. શર્મા કહે છે કે અત્યારે રિસ્ક રિવોર્ડને ધ્યાનમાં રાખીને સ્ટોક ખરીદો. તાજેતરમાં બજારમાં મોટો ઉછાળો આવ્યો છે તેથી હવે થોડું કરેક્શન પણ આવી શકે છે. અત્યારે સિમેન્ટ સ્ટોકમાં રસ વધ્યો છે અને તેના વોલ્યુમ પરથી આ વાતની સાબિતી મળે છે.
I am Gujaratઅંબુજા સિમેન્ટના શેરમાં તેજીની શક્યતા દેખાય છે.
હાલમાં કયા સિમેન્ટ સ્ટોક્સ (Cemens Shares) ખરીદી શકાય? મારા માનવા પ્રમાણે અંબુજા સિમેન્ટ (Ambuja Cement)નો શેર ખાસ ખરીદવો જોઈએ. લોંગ સાઈડમાં આ શેર અમારા માટે ટોપ પિકમાં આવે છે. અમે આ શેરમાં 400 રૂપિયા પર ખરીદી શરૂ કરી હતી અને 550 સુધી પહોંચ્યો હતો. અંબુજા સિમેન્ટમાં તેજીનો તે પ્રથમ તબક્કો હતો. ત્યાર પછી હવે બીજો રાઉન્ડ શરૂ થયો છે. શોર્ટ ટર્મમાં અમે અંબુજા સિમેન્ટના સ્ટોક માટે 625 રૂપિયાનો ટાર્ગેટ ભાવ આપીએ છીએ. અપસાઈડમાં તે 650 સુધી જઈ શકે છે. આ શેર માટે 540 રૂપિયા સ્ટોપલોસ રાખી શકાય. આજે આ શેર 579.50 પર ચાલે છે.
સિમેન્ટ સેક્ટરમાંથી જ ખરીદવા જેવો શેર ગ્રાસિમ ઈન્ડસ્ટ્રીઝ (Grasim Industries) છે. આ શેર બ્રેકઆઉટ થવાની તૈયારીમાં છે અને 1820ની ઉપર જઈ શકે છે. મારું માનવું છે કે આ શેરને અત્યારના સ્તરે ખરીદી શકાય કારણ કે તેમાં 10થી 12 ટકાનો વધારો આવવાની શક્યતા છે. બહુ ટૂંકા ગાળામાં આ શેર 1900 સુધી જાય તેવો ટાર્ગેટ આપવામાં આવે છે. આ સ્ટોક માટે સ્ટોપલોસ રૂ. 1720 રાખવો જોઈએ. અંબુજા સિમેન્ટ અને ગ્રાસિમ ઈન્ડસ્ટ્રીઝ માટે હું પોઝિટિવ છું અને તેમાં આઉટપરફોર્મન્સ જોવા મળશે તેમ લાગે છે.
આઇટી સેક્ટરમાં કયા શેર ખરીદી શકાય? આઈટી સેક્ટર માટે સૌથી ખરાબ સમય ચાલતો હતો જે સપ્ટેમ્બરમાં પૂરો થયો છે. હવે આ સેક્ટરમાં તેજી આવી છે. આઈટીમાં હું કોફોર્જ (Coforge)ને ટોપ પિક ગણાવું છું. લાર્સન એન્ડ ટુબ્રો ટેકનોલોજી સર્વિસિસમાં આજે બ્રેકઆઉટ આવ્યો છે અને હજુ આ શેર ઉંચકાશે. આઈટી ઈન્ડેક્સ ગયા વર્ષે ઓક્ટોબરમાં જે હાઈ સપાટી બનાવી હતી તેની તુલનામાં 17 ટકા નીચે ચાલે છે. હવે આઈટી ઈન્ડેક્સ અને મિડકેપ ઈન્ડેક્સમાં 10થી 12 ટકા ગ્રોથની અપેક્ષા રાખી શકાય છે.
અજિત ગઢવી લગભગ 22 વર્ષથી પત્રકારત્વના ક્ષેત્રમાં છે. તેમણે સૌરાષ્ટ્ર યુનિવર્સિટીમાંથી ઈકોનોમિક્સ સાથે ગ્રેજ્યુએશન કર્યા પછી આ યુનિવર્સિટીમાંથી જ માસ્ટર ઈન જર્નલિઝમ એન્ડ માસ કોમ્યુનિકેશનનો અભ્યાસ કર્યો છે. તેમણે અમદાવાદમાં ઈકોનોમિક ટાઈમ્સ, દિવ્ય ભાસ્કર અને મેટ્રોમાં કામ કરવા ઉપરાંત રાજકોટના જયહિંદ, સાંજ સમાચાર અખબારોમાં કામ કર્યું છે. તેઓ પ્રિન્ટ અને ડિજિટલ મીડિયામાં ન્યૂઝ એડિટિંગ અને કન્ટેન્ટ ક્રિયેશનનો અનુભવ ધરાવે છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
