હલ્દીરામ ફૂડ બિઝનેસમાં સૌથી મોટી બ્રાન્ડ કેવી રીતે બની ગઈ? અશનીર ગ્રોવરે રહસ્ય ખોલ્યું

Haldirams Food Business: ભારતમાં ફૂડ બિઝનેસની સૌથી સફળ બ્રાન્ડની વાત આવે ત્યારે હલ્દીરામ (Haldirams)નું નામ સૌથી પહેલા લેવામાં આવે છે. આજે દેશના દરેક ખૂણે આ બ્રાન્ડ જાણીતી છે અને હલ્દીરામની નમકીન તથા અન્ય પ્રોડક્ટ્સ દેશવિદેશમાં પહોંચી ગઈ છે. શાર્ક ટેન્ક ઈન્ડિયાના વિવાદાસ્પદ અને આખાબોલા જજ અશનીર ગ્રોવર (Ashneer Grover) હલ્દીરામ (Haldirams)ને દેશની સૌથી મોટી ફૂડ બ્રાન્ડ ગણાવે છે. અશનીર ગ્રોવર Bharat Peના સ્થાપક તરીકે પણ જાણીતા છે. ગ્રોવરે હલ્દીરામના એક્ઝિક્યુટિવ ડિરેક્ટર કમલ અગ્રવાલ સાથે પોતાનો એક ફોટો શેર કર્યો છે જેમાં તેમણે લખ્યું છે કે, "મીઠાઈ બનાવવાની કળા અમારા DNAમાં જ રહેલી છે. અમે સુતા હોઈએ ત્યારે પણ હંમેશા ફૂડનો વિચાર કરતા હોઈએ છીએ." Bharat Peમાંથી વિવાદાસ્પદ રીતે દૂર કરાયેલા અવનીશ ગ્રોવરે કહ્યું કે તેઓ હલ્દીરામ માટે બહુ આદર ધરાવે છે.

તેમણે ટ્વિટર પર લખ્યું છે કે, "હમ તો DNA સે હલવાઈ હૈ. સોતે, ઉઠતે, બેઠતે, જાગતે સિર્ફ ખાના હી સોચતે હૈ. એ વાતમાં કોઈ શંકા નથી કે હલ્દીરામ ફૂડ બિઝનેસની સૌથી મોટી બ્રાન્ડ છે. તેમની પાસે તગડો પ્રોફીટ/કેશ ફ્લો અને વેલ્યૂએશન છે. આ કંપની માટે હું આદર ધરાવું છું." તાજેતરમાં અશનીર ગ્રોવર નાગપુરમાં ભારત-ઓસ્ટ્રેલિયાની મેચ અગાઉ ક્રિકેટર વિરાટ કોહલીને મળ્યા હતા. તેમણે ટ્વિટર પર આ મુલાકાતનો ફોટો પણ શેર કર્યો હતો.

અશનીર ગ્રોવરે નવી કંપની સ્થાપી
ભારત પે માંથી તેના સ્થાપક ગ્રોવરને દૂર કરવામાં આવ્યા પછી તેમણે પત્ની માધુરી જૈન ગ્રોવર સાથએ મળીને એક નવી કંપની બનાવી છે. આ કંપનીનું નામ થર્ડ યુનિકોર્ન પ્રાઈવેટ લિમિટેડ રાખવામાં આવ્યું છે. 6 જુલાઈએ સ્થાપવામાં આવેલી કંપનીમાં ગ્રોવર અને તેમના પત્ની ડિરેક્ટર છે. આ કંપની 10 લાખ રૂપિયાની કુલ પેઈડ અપ કેપિટલ ધરાવે છે અને 20 લાખ રૂપિયાની શેરમૂડી ધરાવે છે.

ગ્રોવરે અગાઉ એક વખત કહ્યું હતું કે તે પણ ખાવાપીવાના બહુ શોખીન છે. પરંતુ તેમણે બિઝનેસ રિયાલિટી શો Shark Tank Indiaના જજ તરીકે ખ્યાતિ મેળવી ત્યાર પછી બધું બદલાઈ ગયું હતું. તેના કારણે લાઈફસ્ટાઈલ બદલાઈ ગઈ છે. જજ બન્યા પછી મેં મારું વજન ઉતાર્યું છે. અગાઉ સાંજે છ વાગ્યે હું પાણીપુરી ખાવા જતો હતો, પરંતુ હવે તે સમયે મારે વર્કઆઉટ કરવો પડે છે. તેમણે દાવો કર્યો હતો કે તેઓ હવે માત્ર હેલ્થી ફૂડ ખાય છે અને પુષ્કળ ચાલે છે જેના કારણે તેમના વજનમાં સારો એવો ઘટાડો થયો છે.