Axis Bankનો શેર રિઝલ્ટ બાદ ઉછળીને લાઈફ-ટાઈમ ટોચ પર, રોકાણકારોએ હવે શું કરવું?

Axis Bank Share: ખાનગી સેક્ટરની બેન્ક એક્સિસ બેન્કે રિઝલ્ટ જાહેર કર્યા પછી આજે શેરમાં 9.50 ટકાનો તીવ્ર ઉછાળો આવ્યો હતો. એક્સિસ બેન્કનો શેર વધીને તેની લાઈફ ટાઈમ ઉંચી (Axis bank all time high) સપાટી રૂ. 906 પર પહોંચી ગયો હતો. અગાઉ આ સ્ટોકે 866.90ની હાઈ સપાટી બનાવી હતી જે આજે તોડીને આગળ વધ્યો હતો. આજે સવારે અપસાઈડ ગેપ સાથે જ શેર ખુલ્યો અને આગળ વધ્યો હતો. સત્રના અંતે એક્સિસ બેન્કનો શેર 9.46 ટકા વધીને 904 પર બંધ આવ્યો હતો. એક્સિસ બેન્કે ગુરુવારે તેના રિઝલ્ટની જાહેરાત કરી હતી જેમાં સપ્ટેમ્બર ક્વાર્ટરમાં ચોખ્ખા નફામાં 66.29 ટકાનો વધારો થયો હતો.

કંપનીએ કુલ રૂ. 5625.25 કરોડનો નફો નોંધાવ્યો હતો. કંપનીએ માર્જિન વિસ્તરણ અને બેડ લોન ચાર્જમાં ભારે ઘટાડાના કારણે નફામાં ઉછાળો નોંધાવ્યો છે. એક્સિસ બેન્ક (Axis Bank) એ પ્રાઈવેટ સેક્ટરમાં ત્રીજા ક્રમની સૌથી મોટી બેન્ક છે. જુલાઈથી સપ્ટેમ્બર 2022ના ગાળામાં કંપનીએ ટેક્સ બાદ નફામાં 70 ટકાનો વધારો નોંધાવતા તેનો નફો રૂ. 5329.77 કરોડ થયો હતો. કંપનીની એસેટમાં 14 ટકાનો વધારો થયો છે. જ્યારે તેનો નેટ ઈન્ટરેસ્ટ માર્જિન 0.57 વધ્યો છે. તેમની કોર નેટ ઈન્ટરેસ્ટ ઈન્કમ 31 ટકા વધીને 10,360 કરોડ થઈ છે. ચોઈસ બ્રોકિંગના એક્ઝિક્યુટિવ ડિરેક્ટર સુમીત બગડિયાએ જણાવ્યું કે,

રોકાણકારોએ હવે શું કરવું
એક્સિસ બેન્ક (Axis Bank)નું રિઝલ્ટ જાહેર થયા પછી એક્સપર્ટ્સ આ શેર માટે પોઝિટિવ છે. તેમનું કહેવું છે કે, એક્સિસ બેન્કના શેરે લગભગ 865ના સ્તર પર બ્રેકઆઉટ આપ્યો છે. આ શેર આ લેવલથી ઉપર બંધ આવે તો તે 920 સુધી જઈ શકે છે. તેથી આ સ્ટોકને અત્યારે ખરીદીને 920નો ટાર્ગેટ (Axis Bank Target)રાખી શકાય. એક્સિસ બેન્કના શેર માટે 820નો સ્ટોપ લોસ રાખી શકાય. જો આ શેર 850 સુધી આવે તો વધારે શેર ખરીદવા જોઈએ. કારણ કે ત્યાર પછી તેમાં પ્રોફીટ બુકિંગ આવી શકે છે.

GCL સિક્યોરિટીઝના રવિ સિંઘલ જણાવે છે કે પોઝિશનલ રોકાણકારોએ એક્સિસ બેન્કનો શેર હોલ્ડ કરીને આગામી દિવાળી સુધી રાખી મુકવો જોઈએ. રોકાણકારો 850થી 800ની રેન્જમાં આ શેર ખરીદતા રહે તો એક વર્ષ પછી તેનો ટાર્ગેટ ભાવ રૂ. 1170 (Axis Bank Target price) આપવામાં આવે છે. મોતીલાલ ઓસવાલ પણ આ શેર માટે ખરીદીની સલાહ આપે છે અને કહે છે કે સપ્ટેમ્બર ક્વાર્ટરમાં કંપનીનું પ્રદર્શન જોરદાર રહ્યું છે. આ શેર માટે એક વર્ષમાં રૂ. 975નો ટાર્ગેટ આપવામાં આવે છે. કંપનીની એસેટ ક્વોલિટી સુધરી હોવાથી સ્ટોકનો ભાવ હજુ ઉછળશે.