દોઢ-બે મહિનામાં કમાણી કરવી હોય તો Bajaj Auto સહિત 5 સ્ટોક્સમાં મૂડી લગાવો

Stock Investment Tips: ગ્લોબલ માર્કેટમાં ચિંતાનું વાતાવરણ હોવા છતાં ભારતમાં ઇક્વિટી માર્કેટના દેખાવમાં સુધારો થયો છે. જોકે, તેનો અર્થ એવો નથી કે બજારમાં વોલેટિલિટી ખતમ થઈ ગઈ છે. બજારના એક્સપર્ટ્સ માને છે કે આગામી છથી આઠ અઠવાડિયામાં અમુક સેક્ટરના શેરોમાં સારી કમાણી કરી શકાય છે. તેમની ભલામણોના આધારે અહીં આવા સ્ટોક્સ વિશે વાત કરી છે. અત્યારે ખરીદવા જેવા શેરોમાં બજાજ ઓટો (Bajaj Auto)નો સમાવેશ થાય છે જેનો ટાર્ગેટ ભાવ રૂ. 4130 છે. આ શેર માટે 3640 રૂપિયાનો સ્ટોપ લોસ રાખવાની ભલામણ કરવામાં આવે છે. બજાજ ઓટોમાં શોર્ટ કરેક્શન પછી તે બોટમ આઉટ થયો છે. તેમાં એક સારો એવો પુલબેક જોવા મળ્યો છે. પ્રભુદાસ લીલાધરે આ સ્ટોક ખરીદવા માટે સલાહ આપી છે.

આ ઉપરાંત ટાટા કન્ઝ્યુમર પ્રોડક્ટ્સ (Tata Consumer Products)ના શેર માટે પણ સલાહ આપવામાં આવે છે. ટાટા કન્ઝ્યુમરનો શેર ટૂંકા ગાળામાં રૂ. 880 સુધી પહોંચી શકે છે. આ શેર માટે સ્ટોપલોસ રૂ. 770 રાખી શકાય. ડેઈલી ચાર્ટ પર આ સ્ટોકમાં હાયર બોટમ ફોર્મેશન પેટર્ન રચાઈ છે. તેના ઈન્ડિકેટર્સ પણ અનુકુળ છે અને આકર્ષક લાગે છે.

ત્રીજો ખરીદવા જેવો સ્ટોક એડવાન્સ્ડ એન્ઝાઈમ્સ (Advanced Enzymes) છે જેને બાય રેટિંગ અપાયું છે અને ટાર્ગેટ ભાવ રૂ. 350 છે. આ સ્ટોક માટે સ્ટોપલોસ રૂ. 280 છે. એક સમયે આ શેર 503 રૂપિયાના સ્તરે પહોંચી ગયો હતો અને ત્યાંથી કરેક્શન આવ્યું છે. ત્યાર પછી 250ના લેવલ પર કોન્સોલિડેશન જોવા મળ્યું છે. એડવાન્સ્ડ એન્ઝાઈમ્સમાં હવે ઉછાળાની શક્યતા દેખાય છે.

5Paisaના રિસર્ચ એનાલિસ્ટ રુચિત જૈન દ્વારા UPLનો શેર ખરીદવાની ભલામણ કરવામાં આવે છે અને ટાર્ગેટ ભાવ રૂ. 682 આપવામાં આવ્યો છે. આ શેર માટે સ્ટોપલોસ રૂ. 742 રાખી શકાય. છેલ્લા દોઢ મહિનામાં આ સ્ટોક તેની 200 DEMA ઉપર કોન્સોલિડેટ થયો છે. તેવી જ રીતે Sun Pharmaનો શેર પણ ટૂંકા ગાળામાં ખરીદી શકાય જેના માટે ટાર્ગેટ ભાવ રૂ. 960 આપવામાં આવે છે જ્યારે સ્ટોપલોસ રૂ. 870 રાખવાની સલાહ અપાય છે. સન ફાર્માનો શેર એટલા માટે ખરીદવો જોઈએ કારણ કે ફાર્માસ્યુટિકલ સેક્ટર એક ડિફેન્સિવ સેક્ટર છે અને બજારમાં પ્રતિકુળ વાતાવરણ હશે ત્યારે પણ આ સેક્ટરના શેર વધશે. હાલના સ્તરે સન ફાર્મા બહુ ફાયદાકારક રિસ્ક રિવોર્ડ રેશિયો ધરાવે છે. હવે તેમાં વધારે ઘટાડાની શક્યતા બહુ મર્યાદિત છે અને આ શેર 945થી 960 રૂપિયા સુધી જઈ શકે છે.