બેન્ક ઓફ બરોડા, DCB બેન્કના રોકાણકારો માટે ખુશખબરઃ બે-ચાર અઠવાડિયામાં ભારે ઉછળી શકે

બેન્ક ઓફ બરોડા (Bank of Baroda) અને DCB Bankના રોકાણકારો માટે સારા સમાચાર છે. બ્રોકરેજિસે આ બંને કંપનીઓના શેરમાં તીવ્ર ઉછાળાની આગાહી કરી છે. તે પ્રમાણે DCB બેન્કનો શેર માત્ર ચાર અઠવાડિયામાં વધીને રૂ. 117 થઈ શકે છે. હાલમાં DCB બેન્કના શેરનો ભાવ રૂ. 94.60 ચાલે છે તેને ધ્યાનમાં લેતા આગામી એક મહિનામાં આ શેરમાં 23 ટકા વધારો શક્ય છે. બેન્ક ઓફ બરોડાનો શેર માત્ર બે સપ્તાહમાં વધીને રૂ. 138 (Bank of Baroda Target) થવાની શક્યતા છે. હાલમાં આ શેર 124ની આસપાસ ચાલે છે તેને ધ્યાનમાં લેતા બેન્ક ઓફ બરોડા ફક્ત 15 દિવસમાં 11 ટકાથી વધારે વળતર આપે તેવી શક્યતા છેછેલ્લા એક મહિનામાં બેન્ક ઓફ બરોડાનો શેર (Bank of Baroda Share) 9 ટકા વધીને રૂ. 126.75 થયો છે. છેલ્લા 6 મહિનામાં આ સ્ટોકે લગભગ 23 ટકા વળતર આપ્યું છે જ્યારે યર-ટુ-ડેટ વળતર 51 ટકાથી વધારે છે. એક વર્ષમાં આ શેર 64.72 ટકા જેટલો વધ્યો છે. DCB બેન્કનો શેર છ મહિનામાં 28 ટકા કરતા વધારે અને એક વર્ષમાં 2.88 ટકા વધ્યો છે. 1 જાન્યુઆરીથી અત્યાર સુધીમાં આ શેર 18.255 ટકા વધ્યો છે.

ICICI ડાયરેક્ટે બેન્ક ઓફ બરોડાના શેર માટે બાય કોલ આપ્યો છે. 1911માં સ્થાપવામાં આવેલી બેન્ક ઓફ બરોડા 64383.46 કરોડની માર્કેટ કેપિટલ ધરાવતી લાર્જ કેપ કંપની છે. બેન્ક ઓફ બરોડામાં પ્રમોટર્સનો હિસ્સો 63.97 ટકા છે જ્યારે એફઆઈઆઈ પાસે 8.23 ટકા અને ડીઆઈઆઈ પાસે 16.85 ટકા હિસ્સો છે. બેન્ક ઓફ બરોડાની સંગઠીત ચોખ્ખી આવકમાં ગયા ક્વાર્ટરની તુલનામાં 3.98 ટકાનો ઘટાડો થયો છે. લેટેસ્ટ ક્વાર્ટરમાં કંપનીએ 1939 કરોડનો ટેક્સ બાદ નફો નોંધાવ્યો હતો.

DCB બેન્કની સ્થાપના 1995માં કરવામાં આવી હતી અને તે રૂ. 2957 કરોડની માર્કેટ કેપિટલ ધરાવે છે. તેની મુખ્ય પ્રોડક્ટ અને રેવન્યુ સેગમેન્ટમાં એડવાન્સ પરનો વ્યાજ અને ડિસ્કાઉન્ટ, RBI પાસે રહેલી બેલેન્સ પર વ્યાજ, અન્ય ઈન્ટર-બેન્ક ફંડનો સમાવેશ થાય છે. 30 જૂન 2022ના રોજ સમાપ્ત થયેલા ક્વાર્ટરમાં કંપનીએ રૂ. 1041 કરોડની સ્ટેન્ડઅલોન ચોખ્ખી આવક નોંધાવી હતી. લેટેસ્ટ ક્વાર્ટરમાં DCB બેન્કે 97.15 કરોડનો ટેક્સ બાદ નફો નોંધાવ્યો હતો. DCB બેન્કનો ડેઈલી અને વીકલી સ્ટ્રેન્થ ઈન્ડિકેટર આરએસઆઈ બુલિશ છે અને તે 50થી ઉપર હોવાના કારણે શેરમાં ઉછાળાના સંકેત છે.