શોર્ટ ટર્મમાં 35 ટકા વધ્યા પછી આ કંપની આપે છે બોનસ શેરઃ તમે રોકાણ કર્યું કે નહીં?

ગ્લોસ્ટર લિમિટેડ (Gloster Ltd) એક સ્મોલકેપ કંપની છે અને છેલ્લા ચાર મહિનામાં આ શેરે 35 ટકાનું શાનદાર વળતર આપ્યું છે. હવે આ કંપની પોતાના શેરધારકોને બોનસ શેર આપવા જઈ રહી છે. ગ્લોસ્ટર લિમિટેડની માર્કેટ કેપિટલ 631 કરોડ છે અને તે જુટ તથા શણને લગતી એક્સપોર્ટ ક્વોલિટીની પ્રોડક્ટ બનાવે છે. 20 જૂન 2022ના રોજ ગ્લોસ્ટર લિમિટેડનો શેર 52 અઠવાડિયાની નીચી સપાટી રૂ. 850 પર હતો જે હવે 1155ની આસપાસ રહ્યો છે.

7 નવેમ્બરે ગ્લોસ્ટર લિમિટેડ (Gloster Ltd)ના બોર્ડ ઓફ ડાયરેક્ટરોની એક બેઠક મળશે જેમાં બોનસ શેર વિશે નિર્ણય લેવામાં આવશે. આ મિટિંગમાં સપ્ટેમ્બર 2022 ક્વાર્ટરના રિઝલ્ટને મંજૂરી આપવા માટે પણ વિચારણા કરવામાં આવશે. ડેઝિગ્નેટેડ પર્સન્સ અને તેના સ્વજનો માટે પહેલી ઓક્ટોબરથી આ કંપનીમાં ટ્રેડિંગ વિન્ડો બંધ થઈ ગઈ છે. રિઝલ્ટ જાહેર થયાના 48 કલાક પછી જ તેમાં ટ્રેડિંગ કરી શકાશે.

ગયા શુક્રવારે એટલે કે 28 ઓક્ટોબરે ગ્લોસ્ટર લિ. (Gloster Ltd)નો શેર 1.71 ટકા ઘટીને રૂ. 1155 પર બંધ થયો હતો. છેલ્લા પાંચ વર્ષમાં આ શેર લગભગ 5.55 ટકા ઘટ્યો છે અને છેલ્લા એક વર્ષમાં આ શેરમાં ત્રણ ટકાનો વધારો થયો છે.

આ શેર તેની 52 અઠવાડિયાની હાઈ સપાટી પરથી સારો એવો ઘટ્યો છે. ચોક્કસ આંકડાની વાત કરીએ તો બાવન અઠવાડિયાની ઉંચી સપાટી પરથી આ શેરમાં 14.50 ટકાનો ઘટાડો થયો છે. છેલ્લા ચાર મહિનામાં આ શેરમાં 35 ટકા કમાણી થઈ છે તે અલગ વાત છે. 20 જૂન 2022ના રોજ આ શેરનો ભાવ રૂ. 850ની નીચી સપાટીએ હતો જે હવે 1155 રૂપિયાની આસપાસ છે. જોકે, આ શેરની બાવન અઠવાડિયાની ટોચ રૂ. 1350 છે અને ત્યાંથી તે 14.50 ટકા જેટલો નીચો ચાલે છે.

સપ્ટેમ્બર 2022 ત્રિમાસિક ગાળામાં કંપનીમાં પ્રમોટર્સનું શેરહોલ્ડિંગ 72.66 ટકા, ડીઆઈઆઈનું હોલ્ડિંગગ 14.79 ટકા હતું જ્યારે પબ્લિક સ્ટેક 12.57 ટકા હતો.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.