ICICI, HDFC સહિતની ચારેય પ્રાઈવેટ બેન્કો એક વર્ષમાં તગડી કમાણી કરાવશે

Bank stocks to buy: દેશમાં વ્યાજદરમાં વધારાની સાઈકલ શરૂ થઈ છે ત્યારે બ્રોકર્સ ટોચની પ્રાઈવેટ બેન્કો માટે પોઝિટિવ છે. તેમણે HDFC બેન્ક, ICICI Bank, કોટક બેન્ક (Kotam Mahindra Bank) અને એક્સિસ બેન્ક (Axis Bank)ના સ્ટોક્સ એક વર્ષ માટે ખરીદવાની ભલામણ કરી છે. પ્રભુદાસ લીલાધરે HDFC Bank માટે 1740 રૂપિયાનો ટાર્ગેટ ભાવ આપ્યો છે. હાલમાં આ શેર 1471 પર ચાલે છે. એટલે કે એક વર્ષમાં આ શેરમાં 19 ટકા જેટલું વળતર મળી શકે તેમ છે. 30 જૂને સમાપ્ત થયેલા ક્વાર્ટરમાં HDFC બેન્કે રૂ. 9579.11 કરોડનો ટેક્સ બાદ નફો નોંધાવ્યો હતો. 30 જૂને સમાપ્ત થયેલા ક્વાર્ટરમાં કંપનીએ રૂ. 44202.32 કરોડની સંગઠીત આવક નોંધાવી હતી.

બ્રોકરેજે એક્સિસ બેન્કના શેર માટે પણ રૂ. 940નો ટાર્ગેટ ભાવ (Axis Bank target price) આપ્યો છે અને શેર ખરીદવાની ભલામણ કરી છે. હાલમાં એક્સિસ બેન્કનો શેર 742ની આસપાસ ચાલે છે. આ શેરમાં આગામી એક વર્ષમાં 26 ટકાથી વધારે વળતર મળવાની શક્યતા છે. 1993માં સ્થાપવામાં આવેલી એક્સિસ બેન્ક રૂ. 227101.69 કરોડની માર્કેટ કેપિટલ ધરાવે છે. તેની મુખ્ય પ્રોડક્ટ અને રેવન્યુ સેગમેન્ટમાં એડવાન્સ પર વ્યાજ અને ડિસ્કાઉન્ટ અને રોકાણમાંથી થયેલી આવકનો સમાવેશ થાય છે. લેટેસ્ટ ક્વાર્ટરમાં આ બેન્કે રૂ. 4380 કરોડનો ટેક્સ બાદ નફો નોંધાવ્યો હતો.

પ્રભુદાસ લીલાધર દ્વારા ICICI Bankના શેર માટે પણ રૂ. 950ના ટાર્ગેટ ભાવ સાથે શેર ખરીદવાની ભલામણ કરવામાં આવી છે. હાલમાં આ શેરનો ભાવ રૂ. 865 ચાલે છે. આ શેરને ટાર્ગેટ ભાવ સુધી પહોંચવામાં એક વર્ષ લાગી શકે છે. લેટેસ્ટ ક્વાર્ટરમાં ICICI Bankએ રૂ. 7384.53 કરોડનો ટેક્સ બાદ નફો નોંધાવ્યો હતો. તાજેતરમાં કેટલાક બ્રોકરેજે આગાહી કરી હતી કે આઈસીઆઈસીઆઈ બેન્કનો શેર 1000ની સપાટીને પણ પાર કરી જશે અને એક વર્ષમાં રૂ. 1100 સુધી જઈ શકે છે. આ રિપોર્ટ પ્રમાણે કંપની બહુ સારી રીતે આગળ વધી રહી છે અને તેની બેલેન્સ શીટ મજબૂત બની છે. હાલમાં તે રિટેલ ફ્રેન્ચાઈઝી પર વધારે ફોકસ ધરાવે છે.

આ ઉપરાંત આ બ્રોકરેજે કોટક મહિન્દ્રા બેન્કના શેરને પણ ખરીદવાની સલાહ આપી છે અને ટાર્ગેટ ભાવ (Kotak Bank Target price) રૂ. 1950 આપ્યો છે. કોટક મહિન્દ્રા બેન્કની માર્કેટ પ્રાઈસ રૂ. 1899 છે તેને ધ્યાનમાં લેતા સ્ટોક એક વર્ષમાં ટાર્ગેટ સુધી પહોંચે તેવી શક્યતા છે. લેટેસ્ટ ક્વાર્ટરમાં કોટક મહિન્દ્રા બેન્કે રૂ. 2755 કરોડનો ટેક્સ બાદ નફો નોંધાવ્યો હતો અને રૂ. 11658.94 કરોડની સંગઠીત કુલ આવક નોંધાવી હતી.