આ ઓટો શેરમાં તોફાની તેજીના સંકેતઃ એક વર્ષમાં તગડી કમાણી કરાવી શકે

ઓટો કંપની મિન્ડા કોર્પોરેશન (Minda Corporation)નો શેર એપ્રિલ 2022ના બીજા પખવાડિયામાં 52 સપ્તાહની ટોચ રૂ. 287 સુધી પહોંચી ગયો હતો. ત્યાર બાદ છેલ્લા બે મહિનાથી આ શેર મોટા ભાગે સ્થિર રહ્યો છે. જોકે, છેલ્લા બે-ત્રણ સેશનથી આ શેરમાં અપસાઈડ જોવા મળી છે. તેના પરથી કહી શકાય કે મિન્ડા કોર્પોરેશનનો શેર કોન્સોલિડેશનના તબક્કામાંથી બહાર આવવાની તૈયારી છે. ICICI ડાયરેક્ટે પોતાના રિપોર્ટમાં જણાવ્યું છે કે મિન્ડા કોર્પોરેશનનો શેર હાલના 190 રૂપિયાના લેવરથી વધીને રૂ. 260 થઈ શકે છે.

Minda Corporationના શેર માટે સૌથી સારી વાત એ છે કે તેના ફંડામેન્ટલ્સ મજબૂત છે. તેના કારણે શેરની તેજીને પણ ટેકો મળવાની શક્યતા છે. ICICI ડાયરેક્ટના રિપોર્ટ પ્રમાણે મિન્ડા કોર્પોરેશન મુખ્યત્વે ડોમેસ્ટિક ઓટો OEMsને બે મુખ્ય વર્ટિકલમાં સર્વિસ વેચે છે. તેમાં મિકેટ્રોનિક્સ અને આફ્ટરમાર્કેટ તથા ઈન્ફોર્મેશન અને કનેક્ટેડ સિસ્ટમ્સ સામેલ છે. આફ્ટર માર્કેટમાં સેફ્ટી અને સિક્યોરિટી, ડાઈ-કાસ્ટિંગ, સ્ટાર્ટર મોટર વગેરે આવે છે જ્યારે કનેક્ટેડ સિસ્ટમમાં વાયરિંગ હાર્નેસ, ઇન્સ્ટ્રુમેન્ટ ક્લસ્ટરનો સમાવેશ થાય છે.

નાણાકીય વર્ષ 2022માં તેના સેલ્સમાં પર્સનલ વ્હીકલ્સનો હિસ્સો 19 ટકાની આસપાસ હતો. ઈલેક્ટ્રિક વ્હિકલ્સનો બહુ ગ્રોથ થાય તો પણ મિન્ડા તેનાથી સુરક્ષિત પ્રોડક્ટ પ્રોફાઈલ ધરાવે છે. આ ઉપરાંત તે ઓલા ઈલેક્ટ્રિક, એમ્પિયર, રિવોલ્ટ જેવી ઈવી કંપનીઓને પણ પોતાની પ્રોડક્ટનું વેચાણ કરે છે. તેની મુખ્ય પ્રોડક્ટમાં ડીસી કન્વર્ટર, મોટર કન્ટ્રોલર, ટેલિમેટિક્સ, બેટરી ચાર્જર વગેરેનો સમાવેશ થાય છે.

મિન્ડા કોર્પોરેશનના શેરના ભાવ વિશે બ્રોકરેજ રિપોર્ટમાં જણાવાયું છે કે કંપનીને નાણાકીય વર્ષ 2022માં 5930 કરોડના ઓર્ડર મળ્યા છે. તેમાં રિપ્લેસમેન્ટ અને ન્યુ બિઝનેસ બંને સામેલ છે. આ ઉપરાંત તે ઈન્ડસ્ટ્રીથી પણ વધારે ગ્રોથ કરવાની નીતિ ધરાવે છે. નાણાકીય વર્ષ 2024ની આવકના અંદાજ સામેતે 14 ગણા પીઈ રેશિયો પર ટ્રેડ થાય છે તેથી રિસ્ક રિવોર્ડની દૃષ્ટિએ મિન્ડા એક યોગ્ય શેર છે.

તેના કારણે અમે આ સ્ટોકને રૂ. 260 રૂપિયાનો ટાર્ગેટ આપીને સ્ટોક ખરીદવાની ભલામણ કરીએ છીએ તેમ ICICI ડાયરેક્ટે જણાવ્યું હતું.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.