DB Realty: આ રિયલ્ટી શેરે ફક્ત 3 વર્ષમાં 1700% રિટર્ન આપ્યુંઃ હજુ માત્ર 70 રૂપિયામાં મળે છે

DB Realty share: રિયલ એસ્ટેટ સેક્ટરની કંપની ડીબી રિયલ્ટી (DB Realty)નો શેર મલ્ટિબેગર સાબિત થયો છે અને રોકાણકારોને જંગી કમાણી કરાવી રહ્યો છે. આ શેર છેલ્લા ત્રણ વર્ષમાં 1700 ટકા વધ્યો છે. હજુ પણ આ શેરને માત્ર 70 રૂપિયાના ભાવે ખરીદી શકાય છે. આજે ડીબી રિયલ્ટીના શેરમાં 4 ટકાનો ઉછાળો આવ્યો હતો. આ શેર પાંચ ટકાની અપર સર્કિટને સ્પર્શ કરતા સહેજમાં રહી ગયો હતો. ત્રણ વર્ષ અગાઉ ડીબી રિયલ્ટીનો શેર માત્ર 4 રૂપિયા મળતો હતો. જેનો ભાવ આજે 71.50 સુધી પહોંચી ગયો હતો. છેલ્લા કેટલાક સેશનથી રોકાણકારો આ શેર પર નજર રાખી રહ્યા છે. તેમાં નિયમિત ધોરણે લોઅર અથવા અપર સર્કિટ લાગી રહી છે. જાણીતા રોકાણકાર રેખા ઝુનઝુનવાલા (Rekha Jhunjhunwala) પણ ડીબી રિયલ્ટી (DB Realty)નો શેર પોતાના પોર્ટફોલિયોમાં ધરાવે છે. છેલ્લા ચાર દિવસથી તેમાં કોઈને કોઈ સર્કિટ લાગે છે. સોમવારે અને મંગળારે આ શેરમાં લોઅર સર્કિટ હતી જ્યારે બુધવારે તેમાં અપર સર્કિટ જોવા મળી હતી.

DB Realtyના શેરની મુવમેન્ટ
સપ્ટેમ્બર 2022માં આ રિયલ્ટી શેરનો ભાવ 138 રૂપિયાને પાર કરી ગયો હતો. તે સમયે આ શેરે 52 અઠવાડિયાની ટોચ બનાવી હતી. ત્યાર પછી તેમાં સતત વેચવાલીનું દબાણ જળવાયું છે. ત્યાર પછી આ રિયલ્ટી શેરમાં ફરીથી ગતિ જોવા મળી અને તે 50 ટકા જેટલો વધીને 70 સુધી પહોંચી ગયો છે. ચાલુ વર્ષનો દેખાવ (YTD) જોવામાં આવે તો ડી બી રિયલ્ટીના શેરમાં લગભગ 25 ટકાનો ઘટાડો થયો છે, જ્યારે છેલ્લા એક વર્ષમાં આ રિયલ્ટી શેરમાં 40 ટકાનો ઘટાડો નોંધાયો છે.

કોવિડ પછીના સમયગાળામાં આ શેરના કારણે રેખા ઝુનઝુનવાલાની નેટવર્થમાં પણ મોટો વધારો થયો છે. છેલ્લા ત્રણ વર્ષની અંદર આ શેરનો ભાવ ચાર રૂપિયાથી વધીને 71 થયો હતો. એટલે કે આ ગાળામાં ડીબી રિયલ્ટીએ 1700 ટકા જેટલું રિટર્ન આપ્યું છે. તેમાં ઝુનઝુનવાલા અને બીજા લોંગ ટર્મ રોકાણકારો ઘણું કમાઈ ગયા છે.

રેખા ઝુનઝુનવાલા પાસે કેટલા શેર છે
ઓક્ટોબરથી ડિસેમ્બર 2022ની શેરહોલ્ડિંગ પેટર્ન પ્રમાણે રેખા ઝુનઝુનવાલા ડીબી રિયલ્ટીના 50 લાખ શેર ધરાવે છે. એટલે કે તેઓ આ કંપનીમાં કુલ પેઈડ અપ કેપિટલના 1.46 ટકા ધરાવે છે. જુલાઈથી સપ્ટેમ્બર ક્વાર્ટરમાં પણ તેમની પાસે આટલો જ હિસ્સો હતો. એટલે કે તેમનું હોલ્ડિંગ સ્થિર રહ્યું છે.