માનસી કિર્લોસ્કરના ટાટા પરિવારમાં થયા છે લગ્ન
માનસી કિર્લોસ્કર પિતાની કંપની કિર્લોસ્કર સિસ્ટમ લિમિટેડ (Kirloskar Systems Ltd)ના એક્ઝિક્યુટિવ ડિરેક્ટર અને સીઈઓ છે. પોતાનો અભ્યાસ પૂરો કર્યા પછીથી તેઓ પિતાના બિઝનેસમાં મદદ કરી રહ્યા છે. માનસીના લગ્ન વર્ષ 2019માં નોએલ ટાટાના પુત્ર નેવિલ ટાટા સાથે થયા હતા. નોએલ ટાટા રતન ટાટાના ઓરમાન ભાઈ છે. પિતાના આદર્શો પર ચાલતા માનસીનું માનવું છે કે, 'ભલે હું ચાંદીની ચમચી સાથે જન્મી છું, પરંતુ જો હું સક્ષમ નથી તો તેને રાતો-રાત ગુમાવી શકું છું.' માનસી પોતાના દમ પર કંપનીને નવી ઉંચાઈએ લઈ જવાની કાબેલિયત રાખે છે.
યંગ બિઝનેસ ચેમ્પિયન
કંપનીની એક્ઝિક્યુવિટ ડિરેક્ટર અને સીઈઓ માનસી કિર્લોસ્કરે પોતાના કરિયરની શરૂઆતમાં જ મોટી સફળતા મેળવી લીધી છે. તેમને વર્ષ 2018માં સંયુક્ત રાષ્ટ્ર દ્વારા ઉભરતા બિઝનેસ લીડર તરીકે પસંદ કરવામાં આવ્યા હતા. માનસીએ અમેરિકાની રોડ આઈલેન્ડ સ્કૂલ ઓફ ડિઝાઈનમાંથી ગ્રેજ્યુએશન કર્યું છે. તેમણે અભ્યાસ પછી ટોયોટા કિર્લોસ્કર મોટરમાં 3 વર્ષની ટ્રેનિંગ લીધી. આ દરમિયાન તેમણે ટેકનિકલ, મેન્યુફેક્ચરિંગ પ્રોસેસને સમજીને આ ઈન્ડસ્ટ્રીને સમજવાનો પ્રયાસ કર્યો. આ ટ્રેનિંગ પછી તેમણે પોતાની ટ્રેનિંગને બિઝનેસ અને મેનેજમેન્ટ લેવલ તરફ આગળ વધારી. જ્યાં તેમણે બિઝનેસ ફંક્શન્સને નજીકથી શીખવાનો પ્રયાસ કર્યો. ટ્રેનિંગ પૂરી કર્યા પછી તેઓ પિતાને બિઝનેસમાં મદદ કરવા લાગી. તેમણે ટોયોટાની સાથે મળીને ટોયોટા મટીરિયલ હેન્ડલિંગ પ્રાઈવેટ લિમિટેડ લોન્ચ કરી. તેમણે ઘણા રેસિડેન્શિયલ કોમ્પ્લેક્સ, કોમર્શિયલ પ્રોજેક્ટ્સ, હોસ્પિટલ પ્રોજેક્ટને પોતાના નેતૃત્વમાં પૂરા કર્યા.
તદ્દન સાદગીથી કર્યા હતા લગ્ન
માનસીના લગ્ન વર્ષ 2019માં નોએલ ટાટાના દીકરા નેવિલ ટાટા સાથે થયા. માનસી અને નોએલના લગ્ન ઘણા સાદગીથી થયા હતા. નોએલ ટાટા પોતાને લો પ્રોફાઈલ રાખે છે અને એવું જ તેમના સંતાનો કરે છે. માનસીના પતિ નેવિલ ટ્રેન્ટ હાઈપરમાર્કેટ પ્રાઈવેટ લિમિટેડનું નેતૃત્વ કરે છે. બિઝનેસ ઉપરાંત માનસીને પેઈન્ટિંગનો ઘણો શોખ છે. તેમણે ઘણા પ્રદર્શનો પણ યોજ્યા છે. તેમણે 13 વર્ષની ઉંમરે જ પોતાનું પહેલું પ્રદર્શન યોજ્યું હતું. તેમને સ્વીમિંગનો પણ ઘણો શોખ છે. બિઝનેસ લાઈફને જીવવાની સાથે-સાથે માનસી પોતાના અંગત શોખને પણ પૂરા કરે છે. તેમનામાં નેતૃત્વ કરવાની અને નિર્ણય લેવાની ક્ષમતા છે. બિઝનેસને આગળ વધારવા માટે તેમની પાસે પ્લાનિંગ છે. એક ઈન્ટરવ્યુ દરમિયાન તેમણે કહ્યું હતું કે, તે પોતાના બિઝનેસને ડિજિટલ માર્કેટમાં લઈને જવા ઈચ્છે છે.
કિર્લોસ્કર જૂથની કંપનીઓ
કિર્લોસ્કર જૂથની 8 કંપનીઓ છે. જે શેરબજારમાં લિસ્ટેડ છે. આ કંપનીઓમાં કિર્લોસ્કર બ્રદર્સ (KBL), કિર્લોસ્કર ઈન્ડસ્ટ્રીઝ લિમિટેડ (KIL), કિર્લોસ્કર ફેરમ ઈન્ડસ્ટ્રીઝ લિમિટેડ (KFIL), કિર્લોસ્કર ઓઈલ એન્જિન લિમિટેડ (KOIL), કિર્લોસ્કર ન્યૂમેટિક કંપની લિમિટેડ (KPCL), કિર્લોસ્કર ઈલેક્ટ્રિક લિમિટેડ (KECL), એનવાયર ઈલેક્ટ્રોડાઈન લિમિટેડ અને જીજી દાંડેકર મશીન વર્ક્સ લિમિડેટ સામેલ છે.
વિક્રમ કિર્લોસ્કરની નેટવર્થ
સપ્ટેમ્બર 2022માં કોર્પોરેટ શેર હોલ્ડિંગના રિપોર્ટ મુજબ, વિક્રમ કિર્લોસ્કર પાસે 5 ટકા શેર છે. તેમની કુલ સંપત્તિ લગભગ 10.1 કરોડ રૂપિયા હતી. નાણાકીય વર્ષ 2022માં ટોયોટા કિર્લોસ્કર મોટર્સ પ્રાઈવેટ લિમિટેડની રેવન્યુ અને ટર્નઓવર 500 કરોડ રૂપિયા છે. કંપનીના નેટવર્થમાં 20.04 ટકાનો વધારો થયો છે. EBITDAમાં 308.01 ટકાનો વધારો થયો છે. કંપનીની કુલ સંપત્તિમાં 13.58 ટકાનો વધારો થયો છે. તો, કંપનીનું કુલ દેવું 30.71 ટકા વધ્યું છે.