Dividend Share: આ કંપની શેર દીઠ 100 રૂપિયા ડિવિડન્ડ ચુકવવાની છે, રેકોર્ડ ડેટ પણ નજીક આવી ગઈ

Dividend Share: શેરબજારમાં રોકાણકારો શેરના ભાવમાં ઉથલપાથલ થાય ત્યારે નાણાં કમાય છે અને તેની સાથે સાથે તેમને ડિવિડન્ડમાંથી પણ સારી કમાણી થઈ શકે છે. દિશા ઈન્ડિયા (Disa India) પણ આવો એક શેર છે જેણે એક શેર દીઠ 100 રૂપિયાનું ડિવિડન્ડ ચુકવવાનો નિર્ણય લીધો છે. આ માટે રેકોર્ડ ડેટ પણ નજીક આવી ગઈ છે. સારા શેરમાં રોકાણ કરવા પર કેટલાક લાભ થાય છે તેમાંથી એક લાભ ડિવિડન્ડનો પણ હોય છે. આ ઉપરાંતત શેરમાં તેજી હોય ત્યારે હાઈ રિટર્ન મળી શકે છે. દિશા ઈન્ડિયા લિ.એ ડિવિડન્ડ આપવાની જાહેરાત કરી છે અને તેની રેકોર્ડ ડેટ 25 ફેબ્રુઆરી અગાઉની છે. કંપનીએ કહ્યું છે કે 10 રૂપિયાની ફેસ વેલ્યૂ ધરાવતા શેર પર 100 રૂપિયા દીઠ ડિવિડન્ડ આપવામાં આવશે. શેર ધારકોની યોગ્યતા નક્કી કરવાની રેકોર્ડ ડેટ 21 ફેબ્રુઆરી 2023 નક્કી કરવામાં આવી છે. એટલે કે જે રોકાણકારોના એકાઉન્ટમાં આ દિવસે શેર હશે તેઓ ડિવિડન્ડ મેળવવાને પાત્ર બનશે. 10 માર્ચ 2023 અગાઉ રોકાણકારોને ડિવિડન્ડની ચુકવણી કરી દેવાશે.

આ કંપનીના શેરમાં છેલ્લા 52 અઠવાડિયામાં ઉંચી સપાટી રૂ. 8545 છે જ્યારે બાવન અઠવાડિયાની નીચી સપાટી રૂ. 5232 છે.

ગયા શુક્રવારે આ શેરનો ભાવ 1.40 ટકા વધ્યો હતો અને શેર 8022 રૂપિયાના લેવલ પર પહોંચીને બંધ થયો હતો. છેલ્લા એક મહિનામાં આ શેરના ભાવમાં 4.22 ટકા ઘટાડો થયો છે. છેલ્લા એક વર્ષમાં Disa Indiaના શેરમાં 36 ટકા જેટલો વધારો થયો છે. આ કંપનીમાં છ મહિના અગાઉ રોકાણ કર્યું હોત તો તેમાં બે ટકા જ વળતર મળે છે.

DISA India Limitedની માર્કેટ કેપિટલ 1131 કરોડ રૂપિયા છે અને તે ઈન્ડસ્ટ્રીયલ ઈન્ડસ્ટ્રી સાથે સંકળાયેલ છે. આ કંપની એલ્યુમિનિયમ અને આયર્ન ફાઉન્ડ્રી ઈન્ડસ્ટ્રીઝમાં કામ કરે છે. તે મિડલ ઈસ્ટ, આફ્રિકાની કંપનીઓ સાથે કામ કરે છે. ફેરસ અને નોન-ફેરસ ફાઉન્ડ્રી સેક્ટરર સાથે દિશા મેટલ કાસ્ટિંગ પ્રોડક્શન સિસ્ટમ્સ વિશાળ સ્પેક્ટ્રમ ધરાવે છે. કોન્સોલિડેટ બેસિસ પર જોવામાં આવે તો કંપનીએ ત્રીજા ક્વાર્ટરમાં ઓપરેશન્સમાંથી 52.76 કરોડની આવક નોંધાવી હતી. ડિસેમ્બર ક્વાર્ટરમાં કંપનીનો ચોખ્ખો નફો 2.34 કરોડ રહ્યો હતો. જે એક વર્ષ અગાઉના સમાન ક્વાર્ટરમાં 9.09 કરોડ હતો. Q3FY23માં દિશાનો ઇપીએસ 16 રૂપિયા હતો જ્યારે ગયા વર્ષના ડિસેમ્બર ક્વાર્ટરમાં ઈપીએસ 62.51 રૂપિયા હતો.